Moving Legs: కూర్చున్నప్పుడు కాళ్లు ఊపుతున్నారా? అది కేవలం అలవాటు కాదు.. ఓ వ్యాధి కావొచ్చు!

Moving Legs: చాలామంది పనిలో ఏకాగ్రత కోసం లేదా తెలియకుండానే కాళ్లు కదిలిస్తుంటారు. అయితే, ఇది పదే పదే జరుగుతుంటే దానిని రెస్ట్‌లెస్ లెగ్స్ సిండ్రోమ్ (Restless Legs Syndrome - RLS) అనే నాడీ సంబంధిత సమస్యగా గుర్తించాలి.

ఏమిటీ రెస్ట్‌లెస్ లెగ్స్ సిండ్రోమ్?

ఇది నాడీ వ్యవస్థకు సంబంధించిన ఒక ఆరోగ్య సమస్య. ప్రపంచ జనాభాలో సుమారు 10 శాతం మంది ఈ సమస్యతో బాధపడుతున్నారు. కూర్చున్నప్పుడు లేదా నిద్రపోతున్నప్పుడు కాళ్లలో ఒక రకమైన అసౌకర్యం, దురద లేదా నొప్పిగా అనిపిస్తుంది. కాళ్లు కదిలించినప్పుడు మాత్రమే ఆ నొప్పి తగ్గినట్లు అనిపిస్తుంది. ఇది స్త్రీలు, పురుషులు ఇద్దరిలోనూ కనిపిస్తుంది.

ప్రధాన కారణాలు:

రక్తంలో ఐరన్ స్థాయిలు తగ్గడం వల్ల నరాలు సరిగ్గా పనిచేయక ఈ సమస్య తలెత్తవచ్చు. కుటుంబంలో తల్లిదండ్రులకు ఈ సమస్య ఉంటే పిల్లలకు వచ్చే అవకాశం ఉంది. మెదడులోని నరాల మధ్య సంకేతాలను పంపే దోపమైన్ అనే రసాయనంలో మార్పులు రావడం వల్ల కూడా ఇలా జరగవచ్చు.

నివారణ మార్గాలు:

ఈ సమస్య తీవ్రంగా ఉంటే వెంటనే డాక్టర్‌ని సంప్రదించి అవసరమైన మందులు వాడాలి. ఐరన్ లోపం ఉంటే ఆహారంలో మార్పులు చేసుకోవాలి. క్రమం తప్పకుండా వ్యాయామం చేయడం, ఫిజియోథెరపీ తీసుకోవడం వల్ల నరాల పనితీరు మెరుగుపడుతుంది.

(Disclaimer: ఈ కథనం ఇంటర్నేట్లో అందుబాటులో ఉన్న సమాచారం. వీటిని పాటించే ముందు వైద్య సలహా తీసుకోవాలి. ఈ సమాచారాన్ని hmtv ధృవీకరించలేదు)