Gattu: బోయలగుడెం శివారులో గంజాయి మొక్కల స్వాధీనం: ఎస్సై కళ్యాణ్ కుమార్
Gattu: గట్టు మండలం బోయలగుడెం శివారులోని పొలంలో అక్రమంగా పెంచుతున్న నాలుగు గంజాయి మొక్కలను పోలీసులు స్వాధీనం చేసుకుని రైతు గోవిందుపై కేసు నమోదు చేశారు.
Gattu: బోయలగుడెం శివారులో గంజాయి మొక్కల స్వాధీనం: ఎస్సై కళ్యాణ్ కుమార్
జోగులాంబ గద్వాల జిల్లా: గట్టు మండలం బోయలగుడెం గ్రామ శివారులో గంజాయి సాగు కలకలం రేపింది. పొలంలో అక్రమంగా గంజాయి పెంచుతున్నారనే పక్కా సమాచారంతో పోలీసులు శనివారం ఆకస్మిక తనిఖీలు చేపట్టారు.
ఈ తనిఖీల్లో భాగంగా బోయలగుడెం శివారులోని రైతు గోవిందు (లింగపురం గ్రామం) పొలంలో సాగు చేస్తున్న నాలుగు గంజాయి మొక్కలను పోలీసులు గుర్తించి స్వాధీనం చేసుకున్నారు. గంజాయిని అక్రమంగా సాగు చేస్తున్న సదరు రైతుపై పోలీసులు కేసు నమోదు చేశారు.
ఈ విషయమై గట్టు సబ్ ఇన్‌స్పెక్టర్ (ఎస్సై) కళ్యాణ్ కుమార్ మాట్లాడుతూ... గంజాయి మొక్కలను స్వాధీనం చేసుకున్నామని, నిందితుడైన రైతును అదుపులోకి తీసుకుని విచారిస్తున్నామని తెలిపారు. మండలంలో ఎవరైనా ఇలాంటి అక్రమాలకు పాల్పడితే చట్టపరంగా కఠిన చర్యలు తప్పవని ఆయన హెచ్చరించారు.
