Mahabubnagar: రాహుల్, ప్రియాంక అరెస్టుకు నిరసనగా మహబూబ్‌నగర్‌లో ధర్నా

Mahabubnagar: సీఈసీ జ్ఞానేశ్ కుమార్‌ ను తొలగించాలని పోరాటం చేస్తున్న రాహుల్, ప్రియాంక గాంధీల అరెస్టుకు నిరసనగా మహబూబ్‌నగర్ లో కాంగ్రెస్ నేతలు నిరసన వ్యక్తం చేశారు. జిల్లా కేంద్రంలోని తెలంగాణ చౌరస్తాలో రాహుల్ గాంధీ , ప్రియాంక గాంధీ అరెస్టుకు నిరసనగా, అలాగే సీఈసీ జ్ఞానేశ్ కుమార్‌ తొలగించాలని డిమాండ్ చేస్తూ ధర్నా నిర్వహించారు.

డీసీసీ అధ్యక్షులు సంజీవ్ ముదిరాజ్ ఆధ్వర్యంలో చేపట్టిన ఈ ధర్నాలో నాయకులు, కార్యకర్తలు పాల్గొని తమ నిరసనను వ్యక్తం చేశారు.

సీఈసీ జ్ఞానేశ్ కుమార్ ను విధుల నుంచి తొలగించి,ప్రజాస్వామ్యాన్ని కాపాడాలంటూ నినాదాలు చేశారు. ఈ సందర్భంగా డీసీసీ అధ్యక్షుడు సంజీవ్ ముదిరాజ్ మాట్లాడుతూ...ప్రజాస్వామ్యానికి విరుద్ధంగా రాహుల్ గాంధీని అరెస్టు చేయడాన్నీ తాము తీవ్రంగా ఖండిస్తున్నామన్నారు. సీఈసీ జ్ఞానేశ్ కుమార్ ను మోదీ ప్రభుత్వం వెంటనే విధుల నుంచి తొలగించాలని...లేదంటే ప్రజల ఆగ్రహానికి గురికాక తప్పదని అన్నారు.