Asifabad: కన్నెపల్లి ప్రభుత్వ పాఠశాలలో ఉచిత మెడికల్ క్యాంప్!

ఆసిఫాబాద్: కొమురం భీం ఆసిఫాబాద్ జిల్లా కౌటాల మండలంలోని కన్నెపల్లి గ్రామపంచాయతీ పరిధిలోని ఎంపీ యుపిఎస్ పాఠశాలలో బుధవారం ఉచిత మెడికల్ క్యాంపు నిర్వహించారు. వసుంధర హాస్పిటల్, కౌటాల వారి సహకారంతో నిర్వహించిన ఈ వైద్య శిబిరంలో పాఠశాల విద్యార్థులకు ఉచితంగా బ్లడ్ గ్రూప్ టెస్టింగ్ చేపట్టారు.

ఈ సందర్భంగా వైద్య సిబ్బంది విద్యార్థుల బ్లడ్ గ్రూప్‌లను పరీక్షించి, ఆరోగ్య పరిరక్షణపై పలు సూచనలు అందించారు. విద్యార్థుల ఆరోగ్యాన్ని దృష్టిలో ఉంచుకుని నిర్వహించిన ఈ కార్యక్రమానికి గ్రామ సర్పంచ్ మోర్లె పార్వతి సహకరించి, వసుంధర హాస్పిటల్ యాజమాన్యానికి అభినందనలు తెలిపారు.

విద్యార్థులకు ఉపయోగకరంగా ఉచిత వైద్య శిబిరం నిర్వహించడంపై పాఠశాల ఉపాధ్యాయులు, విద్యార్థుల తల్లిదండ్రులు, యువ నాయకులు, విద్యార్థులు హర్షం వ్యక్తం చేశారు.