Kagaznagar: బస్టాండ్‌లో మరుగుదొడ్లు శుభ్రం చేసిన ఎమ్మెల్యే హరీష్ బాబు!
Kagaznagar: గాంధీ జయంతి సందర్భంగా కాగజ్ నగర్ బస్టాండ్‌లో ఎమ్మెల్యే పాల్వాయి హరీష్ బాబు స్వచ్ఛభారత్ నిర్వహించి, మరుగుదొడ్లను శుభ్రం చేసి పరిశుభ్రతపై అవగాహన కల్పించారు.
Kagaznagar: బస్టాండ్‌లో మరుగుదొడ్లు శుభ్రం చేసిన ఎమ్మెల్యే హరీష్ బాబు!
Kagaznagar: కొమరం భీం జిల్లా కాగజ్ నగర్ పట్టణంలోని బస్టాండ్ ఆవరణలో గాంధీ జయంతి సందర్భంగా మున్సిపల్ సిబ్బంది, భారతీయ జనతా పార్టీ నాయకులు, కార్యకర్తలతో కలిసి "క్లీన్ అండ్ గ్రీన్" డ్రైవ్ నిర్వహించిన సిర్పూర్ శాసనసభ్యులు డా.పాల్వాయి హరీష్ బాబు.
ఈ సందర్భంగా వారు అక్కడి మరుగుదొడ్లను శుభ్రం చేశారు . పరిసరాలను ప్రజలు పరిశుభ్రంగా ఉంచుకోవాలని పిలుపునిచ్చారు. బస్టాండ్ ఆవరణలో పూర్తిగా చెత్తను తొలగించి చెట్లు నాటడం జరిగింది.అనంతరం గాంధీజీ చిత్రపటానికి పూల మాల వేసి నివాళులర్పించారు.
ఈ సందర్భంగా వారు మాట్లాడుతూ నరేంద్ర మోడీ ప్రధానమంత్రిగా ఎన్నికైన తర్వాత దేశవ్యాప్తంగా కోట్లాది గృహాలకు స్వచ్ఛ భారత్ పథకం కింద మరుగుదొడ్లు నిర్మించడం జరిగిందని,మహిళల ఆత్మ గౌరవానికి పెద్దపీట వేశారని తెలిపారు. వారి స్ఫూర్తితో గాంధీ జయంతి సందర్భంగా బస్టాండ్ ఆవరణలో భారతీయ జనతా పార్టీ కార్యకర్తలతో కలిసి పరిసరాలను శుభ్రం చేయడం జరిగిందని తెలిపారు.
అనంతరం బస్టాండ్ భవన్ లో ఉన్న ప్రజలకు తమ ఇంటి పరిసరాలను పరిశుభ్రంగా ఉంచుకొని దోమల వ్యాప్తిని అరికట్టాలని, తద్వారా డెంగ్యూ తదితర వ్యాధుల బారిన పడకుండా కాపాడుకోవాలని పిలుపునిచ్చారు. ప్రజల భాగస్వామ్యం లేనిదే పట్టణాలు, గ్రామాలు పరిశుభ్రంగా ఉంచుకోలేమని అన్నారు. తమ పిల్లలకు కూడా పరిశుభ్రత విషయంలో తల్లిదండ్రులు మార్గదర్శనం చేయాలని తెలిపారు. అనంతరం బస్టాండ్ ఆవరణలో ఉన్న ప్రయాణికులకు పండ్లు, బిస్కెట్లు పంపిణీ చేయడం జరిగింది.
