Kaudipally: వెంకట్రావుపేటలో ఘనంగా పోషణ అభియాన్ కార్యక్రమం!

Kaudipally: వెంకట్రావుపేట్ గ్రామంలో పోషణ అభియాన్ కార్యక్రమాన్ని ఘనంగా నిర్వహించారు. గర్భిణీలు, చిన్నారుల ఆరోగ్యం, పోషకాహారం ప్రాధాన్యతపై అవగాహన కల్పించడమే లక్ష్యంగా కార్యక్రమాన్ని నిర్వహించారు.

ఈ కార్యక్రమానికి ముఖ్య అతిథులుగా MRO కృష్ణ, SI అమర్ హాజరయ్యారు. అలాగే RI సూపర్‌వైజర్ సుల్తానా బేగం, గ్రామ సర్పంచ్, ఉప సర్పంచ్ రామాంజనేయులు, అంగన్వాడీ టీచర్ నాగరాణితో పాటు కౌడిపల్లి అంగన్వాడీ క్లస్టర్‌కు చెందిన సుమారు 15 మంది అంగన్వాడీ టీచర్లు పాల్గొన్నారు.

కార్యక్రమంలో గర్భిణీలు, చిన్నారులు, వారి తల్లిదండ్రులు, గ్రామస్తులు పెద్ద సంఖ్యలో పాల్గొన్నారు. గర్భిణీలు, బాలింతలు, చిన్నారులు పోషకాహారాన్ని తీసుకోవడం ద్వారా ఆరోగ్యాన్ని కాపాడుకోవచ్చని అధికారులు, అంగన్వాడీ సిబ్బంది అవగాహన కల్పించారు.

పిల్లల ఎదుగుదల, ఆరోగ్య పరిరక్షణలో పోషకాహారం కీలకమని, అంగన్వాడీ కేంద్రాల ద్వారా అందుతున్న సేవలను సద్వినియోగం చేసుకోవాలని సూచించారు. గ్రామస్థాయిలో పోషణపై అవగాహన పెంపొందించేందుకు ఇలాంటి కార్యక్రమాలు ఉపయోగపడతాయని తెలిపారు.

ఈ కార్యక్రమం అంగన్వాడీ సిబ్బంది, అధికారులు, గ్రామ ప్రజల భాగస్వామ్యంతో విజయవంతంగా నిర్వహించారు.