Ameesha Patel: క్షిపణి దాడి నుంచి తృటిలో తప్పించుకున్న బాలీవుడ్‌ భామ!

Iran US Tensions: బాలీవుడ్ నటి అమీషా పటేల్ ఇటీవల సోషల్ మీడియాలో ఒక అత్యంత భయంతో కూడిన అనుభవాన్ని సోషల్‌ మీడియాలో పంచుకున్నారు.ఇటీవల న్యూయార్క్ నుండి ముంబైకి ప్రయాణిస్తున్న అమీషా, యునైటెడ్ అరబ్ ఎమిరేట్స్ (యూఏఈ)పై ఇటీవల జరిగిన క్షిపణి దాడుల కారణంగా ఆమె విమానాన్ని దారి మళ్లించడంతో ఒక క్లిష్ట పరిస్థితిలో చిక్కుకున్నారు.

యుద్ధం లాంటి పరిస్థితులు తనను, తన తోటి ప్రయాణికులను గంటల తరబడి ఎలా అనిశ్చితిలో ఉంచాయో అమీషా వివరించారు.

On my way back to
MUMBAI from NEW YORK on Emirates! As we were about to land in DUBAI the airspace closed in UAE due to fresh missile Attacks! We have now been diverted to MUSCAT n are awaiting further updates !! When will this WAR end 🙏🏻🙏🏻!! Praying 🙏🏻🙏🏻🙏🏻❤️

— ameesha patel (@ameesha_patel) May 4, 2026

క్షిపణి దాడి కారణంగా...

తాను ఎమిరేట్స్ ఎయిర్‌లైన్స్‌లో న్యూయార్క్ నుంచి ముంబైకి తిరిగి వస్తున్నానని, తన విమానం దుబాయ్‌లో దిగబోతుండగా, అక్కడ ఇటీవల జరిగిన క్షిపణి దాడుల కారణంగా యూఏఈ గగనతలాన్ని అకస్మాత్తుగా మూసివేశారని అమీషా పటేల్ తన సోషల్ మీడియా ప్లాట్‌ఫామ్ 'X'లో ఈ వార్తను పంచుకున్నారు. భద్రతా కారణాల దృష్ట్యా విమానాన్ని వెంటనే మస్కట్‌కు మళ్లించారు.

తన పోస్ట్‌లో ఆందోళన వ్యక్తం చేస్తూ, ఆ నటి ఇలా రాశారు, "ఎమిరేట్స్ విమానంలో న్యూయార్క్ నుంచి ముంబైకి తిరిగి వస్తుండగా, మేము దుబాయ్‌లో దిగబోతున్న సమయంలో, తాజా క్షిపణి దాడుల కారణంగా యూఏఈ గగనతలాన్ని మూసివేశారు. ఇప్పుడు మా విమానాన్ని మస్కట్‌కు మళ్లించారు. మేము తదుపరి సమాచారం కోసం ఎదురుచూస్తున్నాము. ఈ యుద్ధం ఎప్పుడు ముగుస్తుందోనని ప్రార్థిస్తున్నాను."

గంటల తరబడి నిరీక్షణ

మస్కట్‌లో కొద్దిసేపు ఆగిన తర్వాత, అమీషా చివరకు దుబాయ్ విమానాశ్రయానికి చేరుకుంది, కానీ ఆమె కష్టాలు అక్కడితో ముగియలేదు. మంగళవారం ఉదయం విమానాశ్రయం లోపలి ఫోటోలను ఆమె పంచుకుంది, అందులో ఆమె అసహనం,అలసట చాలా స్పష్టంగా కనిపిస్తోంది. తాను న్యూయార్క్ నుండి బయలుదేరి 24 గంటలకు పైగా గడిచినా, ముంబైకి చేరుకోవడం కోసం ఇంకా ఎదురుచూస్తున్నానని అమీషా వివరించింది. తన బృందంతో కలిసి ఒక లాంజ్‌లో కూర్చున్న ఫోటోను పోస్ట్ చేస్తూ, విమానాశ్రయంలో గడిపిన సమయం అంతులేనిదిగా అనిపించిందని ఆమె రాసింది.

Been hours n hours at DUBAI airport !! And the wait continues …. Can’t wait to get home to MUMBAI ❤️❤️❤️ pic.twitter.com/Kcmrro3fyf

— ameesha patel (@ameesha_patel) May 5, 2026

ఇరాన్, అమెరికా మధ్య ఉద్రిక్తతలు

ఆ ప్రాంతంలో పెరుగుతున్న సైనిక ఉద్రిక్తతల కారణంగానే అమీషా పటేల్ ఈ సంక్షోభంలో చిక్కుకున్నారు. ఒక అమెరికా అడ్మిరల్ తెలిపిన దాని ప్రకారం, ఇరాన్ ప్రయోగించిన అనేక క్షిపణులను, డ్రోన్‌లను అమెరికా కూల్చివేసింది. హోర్ముజ్ జలసంధి గుండా వాణిజ్య నౌకల సురక్షిత ప్రయాణాన్ని నిర్ధారించే లక్ష్యంతో అధ్యక్షుడు డొనాల్డ్ ట్రంప్ 'ప్రాజెక్ట్ ఫ్రీడమ్'ను ప్రకటించిన తర్వాత పరిస్థితి మరింత తీవ్రమైంది. తమ వాయు రక్షణ వ్యవస్థ బాలిస్టిక్, క్రూయిజ్ క్షిపణులను విజయవంతంగా అడ్డుకుందని యూఏఈ రక్షణ మంత్రిత్వ శాఖ కూడా ధృవీకరించింది.