Peddi: 'పెద్ది' ఓఎస్టీపై ఆస్కార్ విజేత ఏఆర్ రెహమాన్ క్రేజీ అప్డేట్!
Peddi: రామ్ చరణ్ బ్లాక్బస్టర్ చిత్రం 'పెద్ది' చిత్రంలోని ఒరిజినల్ సౌండ్ట్రాక్ కోసం ఎంతో ఆసక్తిగా ఎదురుచూస్తున్న అభిమానులకు సరికొత్త పండగ లాంటి వార్త అందింది.
Peddi: 'పెద్ది' ఓఎస్టీపై ఆస్కార్ విజేత ఏఆర్ రెహమాన్ క్రేజీ అప్డేట్!
Peddi: మెగా పవర్ స్టార్ రామ్ చరణ్ బ్లాక్బస్టర్ చిత్రం 'పెద్ది' చిత్రంలోని ఒరిజినల్ సౌండ్ట్రాక్ కోసం ఎంతో ఆసక్తిగా ఎదురుచూస్తున్న అభిమానులకు సరికొత్త పండగ లాంటి వార్త అందింది. ఈ సినిమాకు అద్భుతమైన సంగీతాన్ని అందించిన ఆస్కార్ అవార్డు గ్రహీత, ప్రముఖ సంగీత దర్శకుడు ఏఆర్ రెహమాన్ ఈ చిత్ర ఓఎస్టీని త్వరలోనే విడుదల చేయనున్నట్లు అధికారికంగా స్పష్టం చేశారు.
అభిమాని ప్రశ్నకు ఏఆర్ రెహమాన్ ఊరటనిచ్చే సమాధానం
ఇటీవల సామాజిక మాధ్యమ వేదికైన ఇన్స్టాగ్రామ్లో జరిగిన ఒక ముఖాముఖి చర్చలో అభిమానులు ఈ చిత్ర సంగీతంపై రెహమాన్ను ప్రశ్నించారు. ఒక అభిమాని "పెద్ది ఓఎస్టీ ఎప్పుడు విడుదలవుతుంది?" అని అడగ్గా, రెహమాన్ చాలా క్లుప్తంగా కానీ ఎంతో ఉత్సాహాన్ని నింపేలా "త్వరలోనే" అని సమాధానమిచ్చారు. ఆయన ఖచ్చితమైన తేదీని వెల్లడించనప్పటికీ, ఈ ఒక్క ముక్కతో రామ్ చరణ్ అభిమానుల్లో సరికొత్త జోష్ నెలకొంది. ఈ చిత్రంలోని పాటలతో పాటు నేపథ్య సంగీతాన్ని మరోసారి ఆస్వాదించాలని ఆరాటపడుతున్న సినీ ప్రియులకు ఇది పెద్ద ఉపశమనం కలిగించింది.
థియేటర్లలో రజతోత్సవం.. నేపథ్య సంగీతానికి అద్భుత ప్రశంసలు
ఈ చిత్రం థియేటర్లలో విడుదలైనప్పటి నుండి దీని సౌండ్ట్రాక్ , శక్తివంతమైన నేపథ్య సంగీతంపై సర్వత్రా ప్రశంసలు వ్యూక్తం అవుతున్నాయి. ముఖ్యంగా సినిమాలో వచ్చే కొన్ని కీలకమైన సన్నివేశాలను ఏఆర్ రెహమాన్ తన రీ-రికార్డింగ్ ప్రతిభతో మరో స్థాయికి తీసుకెళ్లారని ప్రేక్షకులు కొనియాడారు. థియేటర్లలో ఆ అనుభూతిని పొందిన ప్రేక్షకులు, ఇప్పుడు ఆ పూర్తి సంగీతాన్ని విడిగా వినడం కోసం ఎంతో ఆత్రుతగా నిరీక్షిస్తున్నారు. ముఖ్యంగా కేవలం పాటలే కాకుండా నేపథ్య సంగీతాన్ని ఎక్కువగా ఇష్టపడే సంగీత ప్రియులకు ఈ వార్త ఎంతో సంతోషాన్ని కలిగిస్తోంది.
బాక్సాఫీస్ వద్ద 360 కోట్ల వసూళ్ల ప్రభంజనం
మరోవైపు 'పెద్ది' చిత్రం బాక్సాఫీస్ వద్ద తన విజయయాత్రను కొనసాగిస్తూ సరికొత్త రికార్డులను సృష్టిస్తోంది. ఈ చిత్రం ప్రపంచవ్యాప్తంగా ఇప్పటివరకు ఏకంగా 360 కోట్ల రూపాయలకు పైగా గ్రాస్ వసూళ్లను సాధించి ట్రేడ్ వర్గాలను సైతం ఆశ్చర్యపరిచింది. ఈ చిత్ర దర్శకుడు బుచ్చిబాబు సన గతంలో ఒక ఇంటర్వ్యూలో మాట్లాడుతూ, ఈ సినిమాను దాదాపు 350 కోట్ల రూపాయల భారీ బడ్జెట్తో అత్యంత ప్రతిష్టాత్మకంగా నిర్మించినట్లు వెల్లడించారు. టాలీవుడ్ చరిత్రలోనే అత్యంత ప్రతిష్టాత్మక ప్రాజెక్టులలో ఒకటిగా నిలిచిన ఈ చిత్రం, ఇప్పుడు సంగీత పరంగా కూడా సరికొత్త రికార్డులు సృష్టించడానికి సిద్ధమవుతోంది.
Srinivas Rao
శ్రీనివాస్ రావు జర్నలిజం రంగంలో దశాబ్దానికి పైగా అనుభవం కలిగిన కంటెంట్ రైటర్, సబ్ ఎడిటర్. రాజకీయాలు, ప్రాంతీయ, జాతీయ, అంతర్జాతీయ, లైఫ్ స్టైల్, క్రైమ్ వంటి విభిన్న అంశాల్లో లోతైన అవగాహనతో స్పష్టమైన, పాఠకులకు సులభంగా అర్థమయ్యే శైలిలో వార్తలను అందిస్తున్నారు. ప్రముఖ మీడియా సంస్థలు అయిన ఈనాడు, ఆంధ్రజ్యోతి, ఏపీ7 ఏఎంలో పనిచేసి విలువైన అనుభవాన్ని సంపాదించారు. విశ్లేషణాత్మక దృక్పథంతో వార్తలకు కొత్త కోణాన్ని జోడిస్తూ పాఠకుల విశ్వాసాన్ని పొందుతున్నారు.