Bigg Boss 10: డేంజర్ జోన్‌లో రామ్ ప్రసాద్.. కట్ చేస్తే.. ఈ వారం ఎలిమినేషన్ లేనట్టేనా.?

Bigg Boss 10: బిగ్ బాస్ తెలుగు 10లో ఈ వారం సాధారణ ఎలిమినేషన్ ఉండకపోవచ్చనే ప్రచారం ఊపందుకుంది. దీపావళి వేడుకల కారణంగా నిర్వాహకులు ఈ వారం ఎలిమినేషన్‌ను స్కిప్ చేయవచ్చని సోషల్ మీడియాలో వార్తలు వైరల్ అవుతున్నాయి. అయితే దీనిపై ఇంకా క్లారిటీ రావాల్సి ఉంది. ఈ వారం డేంజర్‌లో ఉన్న కంటెస్టెంట్లలో శివ్, రామ్ ప్రసాద్ ఉన్నారని సమాచారం. అలాంటప్పుడు ఎలిమినేషన్ లేదనే నిర్ణయం ఆసక్తికరంగా మారుతుంది. ఈ సీజన్ తొమ్మిదో వారంలోకి అడుగుపెట్టింది. ఈ వారం ముఖేష్, వంశీ, సుధీర్, వర్షిణి, నరేష్, దేబ్జానీ, ఆమన్, శివకుమార్, రామ్ ప్రసాద్, నీతు ఎలిమినేషన్ కోసం నామినేట్ అయ్యారు. హౌస్‌లో ప్రస్తుతం ఫ్యామిలీ వీక్ నడుస్తోంది.

వోటింగ్ ట్రెండ్స్ చూస్తే రామ్ ప్రసాద్, నీతు నట్రాజ్ అతి తక్కువ ఓట్లతో చివరి స్థానాల్లో ఉన్నారని కొన్ని రిపోర్టులు చెబుతున్నాయి. కింగ్ నాగార్జున హోస్ట్ చేస్తున్న ఈ షోలో ఆదివారం ఎపిసోడ్‌ను నిర్వాహకులు గ్రాండ్ దీపావళి సెలబ్రేషన్‌గా ప్లాన్ చేస్తున్నారు. ఈ ఎపిసోడ్‌కు పలువురు సెలబ్రిటీలు అతిథులుగా రానున్నారు. పండగ వాతావరణం ఉండటంతో నిర్వాహకులు ఈ వారం ఎలిమినేషన్ లేదని ప్రకటించవచ్చని అంచనాలు ఉన్నాయి.

అయితే ప్రేక్షకులను ఆకట్టుకోవడానికి ఊహించని ట్విస్టులు ఇవ్వడంలో బిగ్ బాస్ నిర్వాహకులకు పేరుంది. అందుకే ఎలిమినేషన్ పూర్తిగా రద్దు చేయకుండా వారం మధ్యలో ఎలిమినేషన్ నిర్వహించే అవకాశం కూడా బలంగా ఉంది. అదే జరిగితే శివ లేదా రామ్ ప్రసాద్ ప్రమాదంలో పడతారు.