Bigg Boss Telugu: బిగ్‌బాస్ నుంచి కృష్ణుడు అవుట్.. 2 వారాలకు ఎంత రెమ్యునరేషన్ తీసుకున్నాడంటే?

Bigg Boss Telugu: తెలుగు బుల్లి తెరపై అత్యంత ఆసక్తికరంగా సాగుతున్న రియాలిటీ షో బిగ్‌ బాస్ సీజన్ 10 రసవత్తరంగా కొనసాగుతోంది. ఊహించని ట్విస్టులు, సవాళ్లతో ఈసారి షో ప్రేక్షకులను విపరీతంగా అలరిస్తోంది. అయితే తాజాగా ఈ రియాలిటీ షో నుంచి రెండో వారం ఎలిమినేషన్‌ జరిగింది. వినాయకుడు సినిమాతో గుర్తింపు తెచ్చుకున్న ప్రముఖ నటుడు కృష్ణుడు ఈ వారం హౌస్ నుంచి బయటకు వెళ్లాడు. ఆయన ఆటతీరు ఆశించిన స్థాయిలో లేకపోవడం, ఓటింగ్‌లో వెనుకబడటం వల్ల ఈ ఎలిమినేషన్ జరిగింది.

మొత్తం పదకొండు మంది కంటెస్టెంట్లు ఈ వారం నామినేషన్స్‌లో నిలవగా, చివరి స్థానాల్లో కృష్ణుడు నిలిచారు. హౌస్‌లో ఆయన ప్రదర్శించిన బద్ధకం కారణంగానే ఓటింగ్ పడిపోయిందని నెటిజన్లు అభిప్రాయపడుతున్నారు. మొదటి రెండు వారాలు ప్రేక్షకులను అలరించినప్పటికీ తగినంత కంటెంట్ ఇవ్వలేకపోవడంతో ఎలిమినేట్ కావాల్సి వచ్చిందని నిపుణులు పేర్కొంటున్నాయి.

బిగ్‌బాస్ హౌస్‌లో రెండు వారాల పాటు మాత్రమే ప్రయాణం సాగించినప్పటికీ కృష్ణుడు భారీ మొత్తంలోనే పారితోషికం అందుకున్నట్లు తెలుస్తోంది. సమాచారం ప్రకారం ఆయనకు వారానికి సుమారు రూ. 3 లక్షల రెమ్యూనరేషన్ ఫిక్స్ చేసినట్లు సమాచారం. ఈ లెక్కన రెండు వారాలు హౌస్‌లో గడిపిన కృష్ణుడు మొత్తం మీద రూ. 6 లక్షలకు పైగా సంపాదించినట్లు ఫిలింనగర్ వర్గాలు వెల్లడిస్తున్నాయి. తక్కువ రోజుల్లోనే ఇంత పెద్ద మొత్తంలో సంపాదన పొందడం గమనార్హం.

ఈ ఎలిమినేషన్‌తో హౌస్‌లోని మిగిలిన కంటెస్టెంట్లలో టెన్షన్ మరింత పెరిగింది. ఆటను సీరియస్‌గా తీసుకోకపోతే ఎంతటి వారైనా బయటకు వెళ్లక తప్పదనే సంకేతం ఈ పరిణామం ద్వారా స్పష్టమైంది. రాబోయే వారాల్లో పోటీ మరింత రసవత్తరంగా మారే అవకాశం ఉందని ప్రేక్షకులు భావిస్తున్నారు. షో నిర్వాహకులు కంటెస్టెంట్ల కోసం మరిన్ని కొత్త టాస్కులను ప్లాన్ చేస్తున్నట్లు తెలుస్తోంది. త్వరలోనే వైల్డ్ కార్డ్ ఎంట్రీలతో పాటు మరిన్ని ఆసక్తికరమైన మార్పులు చోటుచేసుకోనున్నాయి.