Chiranjeevi Anji: ఒక్కషాట్‌ కోసం 120 టేకులు... అంజీ సినిమా కోసం చిరంజీవి సాహసం

Chiranjeevi Anji: టాలీవుడ్‌ అంటే మాస్‌ చిత్రాలే అనుకునేవారు ఉన్నారు. టాలీవుడ్‌ అంటే కేవలం మాస్‌ మసాలా మాత్రమే కాదు...హాలీవుడ్‌ స్థాయి విజువల్‌ ఎఫెక్ట్స్‌ కూడా సాధ్యమేనని నిరూపించిన సినిమా అంజి. మెగస్టార్‌ చిరంజీవి, దర్శకుడు కోడి రామకృష్ణ కలయికతో వచ్చిన ఈ సోషియో ఫాంటసీ అప్పట్లో ఓ సంచలనం. నిర్మాత శ్యామ్‌ ప్రసాద్‌ రెడ్డి పట్టుదలకు, చిరంజీవి ఓపికకకు ఈ సినిమా ఓ నిదర్శనం.

ఒక్క షాట్.. 120 టేకులు!

గ్రాఫిక్స్‌ ప్రధానంగా ఉండే సినిమాల్లో నటించడం చాలా కష్టం. ఎలాంటి సీన్‌ అయినా అవలీలగా చేయగల చిరంజీవిని ముప్పుతిప్పలు పెట్టిన షాట్స్‌ ఇందులో ఎన్నో ఉన్నాయి. ఈ సినిమాలో ఓ చిన్న కార్‌ షాట్‌ కోసం చిరంజీవి ఏకంగా 120 టేకులు తీసుకున్నారంటే అతిశయోక్తి కాదు. అప్పట్లో టెక్నాలజీ పరిమితంగా ఉండటంతో, గ్రాఫిక్స్ మార్కులు ఏమాత్రం చెరిగిపోకుండా జాగ్రత్త పడాల్సి వచ్చేది. క్లైమాక్స్ సన్నివేశాల కోసం చిరంజీవి ధరించిన దుస్తులను దాదాపు రెండు సంవత్సరాల పాటు అలాగే భద్రపరిచారంటే ఆ చిత్రంపై యూనిట్‌కు ఉన్న అంకితభావం అర్థం చేసుకోవచ్చు.

నిర్మాణంలో ఎదురైన 5 ప్రధాన సవాళ్లు

ఈ సినిమా షూటింగ్‌ సుమారు ఐదేళ్లపాటు సుదీర్ఘంగా కొనసాగింది. గ్రాఫిక్స్‌ కోసం సింగపూర్‌, మలేషియా, అమెరికా వంటి దేశాల సాంకేతిక నిపుణులతో పనిచేశారు. ఇందులో ఓ మాంత్రికుడి పాత్ర కోసం ఎల్‌వీ ప్రసాద్‌ కంటి ఆసుపత్రి వద్ద ఉన్న ఓ యాచకుడిని ఎంపిక చేయడం అప్పట్లో ఓ సంచలనం అనే చెప్పాలి. ఇక ఈ సినిమాలో హీరోయిన్‌గా నమ్రతా శిరోద్కర్‌ను తీసుకున్నారు. ఈ సినిమాతోనే నమ్రతా తెలుగు సినిమా ఇండస్ట్రీకి పరిచయం అయ్యారు. అంతేకాదు, చిరంజీవిని ఒరేయ్‌ అని పిలిచే స్నేహితుడి పాత్ర కోసం నాగబాబును తీసుకున్నారు. నాగబాబు గెటప్‌ అప్పట్లో అందర్నీ ఆకట్టుకుంది.

కాలంతో పాటు పెరిగిన క్రేజ్

ఒక సినిమాను ఐదేళ్లపాటు నిర్మించడం అంటే మామూలు విషయం కాదు. కాలంతో పాటు ప్రేక్షకుల టేస్ట్‌ కూడా మారిపోతుంది. అయితే, ఈ సినిమా విడుదల తరువాత ఆర్థికంగా అనుకున్నంత విజయం సాధించలేకపోయినా...బుల్లితెరపై ఈ సినిమా ఓ ప్రభంజనమే. ఇప్పటికీ అంజీ సినిమా టీవీలో వస్తుంటే అతుక్కుపోయి చూసేవారు ఎందరో ఉన్నారు. గ్రాఫిక్స్‌ కోసం తన కమర్షియల్‌ ఇమేజ్‌ని పక్కనపెట్టి ఓ కొత్త నటుడిలా చిరంజీవి పడిన శ్రమ వెలకట్టలేనిది.