Film Federation: డాన్స్ మాస్టర్స్ వివాదంపై ఫిలిం ఫెడరేషన్ అత్యవసర భేటీ!

Film Federation: తెలుగు సినీ పరిశ్రమలో చర్చనీయాంశంగా మారిన డాన్స్ మాస్టర్స్ అసోసియేషన్ వివాదం నేపథ్యంలో ఫిలిం ఫెడరేషన్ కార్యాలయంలో అత్యవసర సమావేశం.ఫిలిం ఫెడరేషన్ అధ్యక్షుడు అనిల్ వల్లభనేని, ప్రముఖ నిర్మాతలు చదలవాడ శ్రీనివాసరావు, ప్రసన్న కుమార్ సమక్షంలో ఈ కీలక భేటీ.

ఈ సమావేశానికి డాన్స్ మాస్టర్స్ అసోసియేషన్ అధ్యక్షురాలు సుమలతతో పాటు జానీ మాస్టర్ కూడా హాజరయ్యారు.ప్రస్తుతం అసోసియేషన్‌లో నెలకొన్న వివాదాస్పద పరిస్థితులు, సభ్యుల మధ్య విభేదాలు, సంఘం భవిష్యత్ కార్యాచరణ, పరిశ్రమపై పడుతున్న ప్రభావం వంటి అంశాలపై విస్తృతంగా చర్చిస్తున్నట్లు సమాచారం.

ఈ సమావేశంలో తీసుకునే నిర్ణయాలు డాన్స్ మాస్టర్స్ అసోసియేషన్‌తో పాటు తెలుగు సినీ పరిశ్రమలో కీలక మలుపు తిప్పే అవకాశం ఉందని సినీ వర్గాలు భావిస్తున్నాయి.సమావేశం ముగిసిన అనంతరం కీలక ప్రకటన వెలువడే అవకాశం ఉంది.