Nara Rohith: ‘సౌండ్ ఇంజనీర్’గా మారిన నారా రోహిత్!
Nara Rohith: నారా రోహిత్ పుట్టినరోజు సందర్భంగా కొత్త సినిమా 'సౌండ్ ఇంజనీర్' అనౌన్స్మెంట్ వీడియో విడుదల.
Nara Rohith: ‘సౌండ్ ఇంజనీర్’గా మారిన నారా రోహిత్!
Nara Rohith: టాలీవుడ్ వర్గాల్లో విలక్షణ కథలతో దూసుకుపోతున్న నారా రోహిత్ నేడు తన పుట్టినరోజును జరుపుకుంటున్న సందర్భంగా అభిమానులకు అదిరిపోయే ట్రీట్ ఇచ్చారు. తన కొత్త ప్రాజెక్ట్ను అధికారికంగా ప్రకటిస్తూ ఒక ఫన్-ఫిల్డ్ అనౌన్స్మెంట్ వీడియోను మేకర్స్ విడుదల చేశారు. ఈ చిత్రానికి ‘సౌండ్ ఇంజనీర్’ అనే ఆసక్తికరమైన టైటిల్ను ఖరారు చేశారు.
అనౌన్స్మెంట్ వీడియో.. విభిన్నమైన కథాంశం!
చినిమిల్లి మణికూమార్ రచన, దర్శకత్వం వహిస్తున్న ఈ చిత్రంలో నయన్ సారిక హీరోయిన్గా నటిస్తుండగా, ప్రముఖ నటుడు నరేష్ విజయ కృష్ణ కీలక పాత్రలో కనిపించనున్నారు. కరణ్ సి ప్రొడక్షన్స్ బ్యానర్పై భరత్ చౌదరి ఈ చిత్రాన్ని నిర్మిస్తున్నారు. ఈ సినిమాకు టాలీవుడ్ , కోలీవుడ్ ప్రఖ్యాత సంగీత దర్శకుడు యువన్ శంకర్ రాజా సంగీతం అందిస్తున్నారు.
విడుదల చేసిన అనౌన్స్మెంట్ వీడియోలో కమెడియన్ సుదర్శన్ చెప్పిన వాయిస్-ఓవర్ నవ్వులు పూయిస్తోంది. ఈ చిత్రంలో నారా రోహిత్ పాత్రకు సంబంధించి వినికిడి లోపం ఉండే ఒక విభిన్నమైన కోణాన్ని ఈ వీడియో ద్వారా పరిచయం చేశారు.
త్వరలో రెగ్యులర్ షూటింగ్
ఈ ప్రకటనను బట్టి చూస్తే, ‘సౌండ్ ఇంజనీర్’ పూర్తిస్థాయి నవ్వులు పంచే ఒక క్లీన్ అండ్ కామెడీ ఎంటర్టైనర్గా తెరకెక్కుతున్నట్లు స్పష్టమవుతోంది. త్వరలోనే ఈ చిత్రానికి సంబంధించిన రెగ్యులర్ షూటింగ్ ప్రారంభం కానుంది. నారా రోహిత్ పుట్టినరోజు వేళ వరుసగా వస్తున్న అప్డేట్స్ ఆయన అభిమానులను ఎంతగానో ఆకట్టుకుంటున్నాయి.
Srinivas Rao
శ్రీనివాస్ రావు జర్నలిజం రంగంలో దశాబ్దానికి పైగా అనుభవం కలిగిన కంటెంట్ రైటర్, సబ్ ఎడిటర్. రాజకీయాలు, ప్రాంతీయ, జాతీయ, అంతర్జాతీయ, లైఫ్ స్టైల్, క్రైమ్ వంటి విభిన్న అంశాల్లో లోతైన అవగాహనతో స్పష్టమైన, పాఠకులకు సులభంగా అర్థమయ్యే శైలిలో వార్తలను అందిస్తున్నారు. ప్రముఖ మీడియా సంస్థలులో పనిచేసి విలువైన అనుభవాన్ని సంపాదించారు. విశ్లేషణాత్మక దృక్పథంతో వార్తలకు కొత్త కోణాన్ని జోడిస్తూ పాఠకుల విశ్వాసాన్ని పొందుతున్నారు.