బర్త్‌డే ట్రీట్.. ‘ఆదర్శ కుటుంబం’ నుంచి నారా రోహిత్ మాస్ పోలీస్ లుక్ అదుర్స్!

Nara Rohith: టాలీవుడ్ సీనియర్ హీరో, మనందరికీ ఇష్టమైన 'వెంకీ మామ' వెంకటేష్ హీరోగా, శ్రీనిధి శెట్టి హీరోయిన్‌గా మాటల మాంత్రికుడు త్రివిక్రమ్ శ్రీనివాస్ తెరకెక్కిస్తున్న మోస్ట్ అవేటెడ్ ఫ్యామిలీ ఎంటర్‌టైనర్ ‘ఆదర్శ కుటుంబం’. మంచి కుటుంబ కథా చిత్రంగా తెరకెక్కుతున్న ఈ ప్రాజెక్ట్‌లో నారా వారి హీరో నారా రోహిత్ కూడా కీలక పాత్రలో నటిస్తున్న సంగతి తెలిసిందే. కాగా, నేడు (జూలై 25) నారా రోహిత్ పుట్టినరోజు సందర్భంగా చిత్ర యూనిట్ ఆయనకు బర్త్ డే విషెస్ తెలుపుతూ ప్రత్యేకమైన లుక్ పోస్టర్‌ను విడుదల చేసింది.

మాస్ పోలీస్ ఆఫీసర్‌గా నారా రోహిత్ లుక్ అదుర్స్!

ఇక విడుదల చేసిన పోస్టర్‌లో నారా రోహిత్ చాలా డైనమిక్ అండ్ ఇంటెన్స్ లుక్‌లో కనిపిస్తున్నారు. ఆయన వెనుక బ్యాక్‌గ్రౌండ్‌లో 'తెలంగాణ పోలీస్ బోర్డు' స్పష్టంగా కనిపించడంతో, ఈ చిత్రంలో ఆయన పవర్‌ఫుల్ పోలీస్ ఆఫీసర్‌గా నటిస్తున్నట్లు మేకర్స్ అధికారికంగా కన్ఫర్మ్ చేశారు. వెంకటేష్ హీరోగా తెరకెక్కుతున్న ఈ భారీ మల్టీస్టారర్ లో రోహిత్ మాస్ పోలీస్ గెటప్ సినిమాపై అంచనాలను మరింత పెంచేసింది.

అక్టోబర్ 2న గ్రాండ్ రిలీజ్

ఈ చిత్రానికి టాలీవుడ్ సెన్సేషనల్ మ్యూజిక్ డైరెక్టర్ థమన్ సంగీతం అందిస్తుండగా.. ప్రముఖ నిర్మాణ సంస్థ హారిక & హాసిని క్రియేషన్స్ పతాకంపై ఈ సినిమాను అత్యంత భారీ బడ్జెట్‌తో నిర్మిస్తున్నారు. అన్ని కార్యక్రమాలను పూర్తి చేసుకుని, గాంధీ జయంతి కానుకగా ఈ ఏడాది అక్టోబర్ 2న ఈ సినిమాను ప్రపంచవ్యాప్తంగా గ్రాండ్ థియేట్రికల్ రిలీజ్ చేసేందుకు మేకర్స్ సన్నాహాలు చేస్తున్నారు.