Rajinikanth: మళ్లీ తెరపైకి హిట్ జోడి.. రజినీకి జంటగా ఆ స్టార్ హీరోయిన్.!

Rajinikanth: భారతీయ సినీ పరిశ్రమలో ప్రముఖ నటీనటులు కలిసి నటించడంపై అభిమానుల్లో ఎప్పుడూ భారీ అంచనాలు ఉంటాయి. ముఖ్యంగా హిట్ జోడీలు మళ్లీ తెరపైకి వస్తున్నాయంటే ఆ వార్త సోషల్ మీడియాలో విపరీతంగా ట్రెండ్ అవుతుంటుంది. ఈ నేపథ్యంలో సూపర్ స్టార్ రజనీకాంత్ అలాగే నయనతార మరోసారి స్క్రీన్ షేర్ చేసుకోనున్నట్లు తెలుస్తోంది.

ఈ చిత్రానికి సంబంధించిన విశేషాలు ప్రస్తుతం సినీ వర్గాలలో చర్చనీయాంశంగా మారాయి. తాజా సమాచారం ప్రకారం రజనీకాంత్, నయనతార మరోసారి స్క్రీన్ షేర్ చేసుకోనున్నారు.

'ధృవన్' సినిమాలో వీరిద్దరూ జంటగా నటించనున్నట్లు సమాచారం వస్తోంది. ఇందులో ఆమె పోషించే పాత్ర సినిమాకే హైలైట్‌గా నిలుస్తుందని కోలీవుడ్ ట్యాక్ వినిపిస్తోంది. ఈ చిత్రాన్ని ప్రముఖ నటుడు కమల్ హాసన్ నిర్మిస్తుండగా, డైరెక్టర్ అశ్వత్ మారిముత్తు తెరకెక్కిస్తున్నారు.

కాగా రజనీ, నయన్ కలిసి గతంలో చంద్రముఖి, కథానాయకుడు, దర్బార్, పెదనాన్న చిత్రాల్లో నటించారు. వీరిద్దరి కాంబినేషన్‌లో వచ్చిన సినిమాలు బాక్సాఫీస్ వద్ద మంచి విజయాలు సాధించాయి. ఇప్పుడు మరోసారి ఈ జోడీ రిపీట్ అవుతుండటంతో అభిమానులలో ఆసక్తి విపరీతంగా పెరిగింది.

చిత్ర యూనిట్ ఈ ప్రాజెక్ట్‌కు సంబంధించిన అధికారిక ప్రకటన త్వరలోనే వెలువరించే అవకాశం ఉంది. సినిమాల పరంగా ఈ ప్రాజెక్ట్‌పై ట్రేడ్ వర్గాలలో అంచనాలు భారీగా ఉన్నాయి. బాక్సాఫీస్ వద్ద ఈ సినిమా ఎలాంటి రికార్డులు సృష్టిస్తుందనేది వేచి చూడాలి.