Rashmika Mandanna: కేరళ అడవుల్లో రష్మిక... రచ్చ రచ్చే!

Rashmika Mandanna: నేషనల్ క్రష్ రష్మిక మందన్న ఇప్పుడు ‘యాక్షన్ మోడ్ లోకి మారిపోయారు! ఆమె ప్రధాన పాత్రలో నటిస్తున్న ‘మైసా’ చిత్రం ప్రస్తుతం కేరళలోని దట్టమైన అడవుల్లో ఒక హై-వోల్టేజ్ పోరాట ఘట్టానికి సిద్ధమైంది. అడవి బిడ్డగా, ఒక వీర నారిగా రష్మిక చూపించబోయే రచ్చ మామూలుగా ఉండదని చిత్ర యూనిట్ ఇస్తున్న లీకులు సినిమాపై అంచనాలను అమాంతం పెంచేస్తున్నాయి.

5 రోజుల నాన్-స్టాప్ యాక్షన్!

ప్రకృతి ఒడిలో కేరళ అందాలు ఒకవైపు ఉంటే, మరోవైపు అక్కడ ‘మైసా’చిత్రబృందం చెమటోడుస్తోంది. దాదాపు 15 రోజుల పాటు సాగే ఈ కీలక షెడ్యూల్‌లో కేవలం భారీ యాక్షన్ సన్నివేశాలనే తెరకెక్కిస్తున్నారు. కథానాయిక రష్మిక తనలోని అసలైన వీరత్వాన్ని ప్రదర్శించేలా ఈ ఫైట్స్ ఉండబోతున్నాయి. సినిమా మొత్తానికే ఈ అడవిలో జరిగే పోరాటాలు ఒక పెద్ద ఎసెట్‌గా నిలవనున్నాయి.

బ్యాంకాక్ శిక్షణతో బరిలోకి.. రష్మిక తగ్గేదేలే!

ఈ పాత్ర కోసం రష్మిక సాధారణమైన కసరత్తులు చేయలేదు. బ్యాంకాక్‌లో అంతర్జాతీయ మార్షల్ ఆర్ట్స్ నిపుణుడు ఆండి లాంగ్ పర్యవేక్షణలో అత్యంత కఠినమైన యుద్ధ విద్యలను నేర్చుకున్నారు. ఆ కఠోర శ్రమనంతా ఇప్పుడు కేరళ షూటింగ్‌లో ఉపయోగిస్తున్నారు. ఒక గిరిజన యువతి తన ఉనికి కోసం చేసే పోరాటంలో రష్మిక బాడీ లాంగ్వేజ్ , ఆమె చేసే స్టంట్లు ప్రేక్షకులను ఆశ్చర్యపరచడం ఖాయం.

కేచా మాస్టర్ ‘స్టైలిష్’ మ్యాజిక్!

ప్రపంచవ్యాప్తంగా గుర్తింపు పొందిన స్టంట్ మాస్టర్ కేచా ఖంఫాక్డీ ఈ చిత్రానికి ఫైట్ సీన్స్ సమకూరుస్తున్నారు. ఆయన శైలికి తగ్గట్టుగా యాక్షన్ బ్లాక్స్ చాలా పవర్‌ఫుల్‌గా, అంతే స్టైలిష్‌గా ఉండబోతున్నాయి. రష్మిక చేసే విన్యాసాలు థియేటర్లలో ఈలలు వేయించేలా ఉంటాయని ఇన్సైడ్ టాక్. కేచా డిజైన్ చేసిన ఈ మాస్టర్ పీస్ యాక్షన్ సీక్వెన్సులు సినిమా స్థాయిని పెంచనున్నాయి.

సరికొత్త కథనంతో రవీంద్ర పుల్లె మ్యాజిక్

దర్శకుడు రవీంద్ర పుల్లె ఒక వినూత్నమైన కథాంశంతో ‘మైసా’ ను తీర్చిదిద్దుతున్నారు. అన్‌ఫార్ములా ఫిల్మ్స్ సంస్థ ఎక్కడా రాజీ పడకుండా ఈ చిత్రాన్ని నిర్మిస్తోంది. సాంకేతికంగా అత్యున్నత విలువలతో, గోండు గిరిజన నేపథ్యంతో వస్తున్న ఈ యాక్షన్ ఎంటర్టైనర్ రష్మిక కెరీర్‌లో ఒక మైలురాయిగా నిలిచిపోనుంది. త్వరలోనే మరిన్ని ఆసక్తికరమైన విశేషాలను చిత్ర బృందం వెల్లడించనుంది.