అబద్ధాలు చెప్పకండి సార్.. డైరెక్టర్‌ను ఆటపట్టించిన రష్మిక మందన్న!

Rashmika Mandanna: నేషనల్ క్రష్ రష్మిక మందన్న, బాలీవుడ్ స్టార్స్ షాహిద్ కపూర్, కృతి సనన్ ప్రధాన పాత్రల్లో నటిస్తున్న మోస్ట్ అవేటెడ్ మూవీ “కాక్‌టైల్ 2”. 2012లో సైఫ్ అలీ ఖాన్, దీపికా పదుకొణె, డయానా పెంటి కాంబినేషన్‌లో వచ్చి సూపర్ హిట్ అయిన రొమాంటిక్ డ్రామా ‘కాక్‌టైల్’కు ఇది సీక్వెల్‌గా తెరకెక్కుతోంది.

తాజాగా ఈ సినిమా సెట్స్ నుంచి ఒక క్రేజీ అప్‌డేట్ నెట్టింట హల్‌చల్ చేస్తోంది. డైరెక్టర్ హోమి అడజానియాతో రష్మిక చేసిన ఒక సరదా చాట్ ఇప్పుడు సోషల్ మీడియాలో వైరల్‌గా మారింది.

డైరెక్టర్‌ను తెగ ఆటపట్టించిన ‘రషూ’

సినిమా షూటింగ్ ముగింపు దశకు చేరుకున్న తరుణంలో, దర్శకుడు హోమి అడజానియా రష్మికతో సెట్స్‌లో దిగిన ఒక అందమైన ఫోటోను తన ఇన్‌స్టాగ్రామ్ స్టోరీస్‌లో పంచుకున్నారు. దానికి “నీతో కలిసి ఆలోచించడం, చర్చించడం ఎప్పుడూ సరదాగా ఉంటుంది రషూ” అంటూ క్యాప్షన్ ఇచ్చారు.

ఈ ఫోటోను రష్మిక తన అకౌంట్‌లో రీషేర్ చేస్తూ, డైరెక్టర్‌పై తెగ అల్లరి చేసింది. “అబద్ధాలు చెప్పకండి.. ఈ ఫోటోలో మీరు చాలా హ్యాండ్సమ్‌గా, అద్భుతంగా కనిపిస్తున్నారు కాబట్టే దీన్ని పోస్ట్ చేశారు కదూ!” అంటూ సరదాగా కామెంట్ పెట్టింది. వీరిద్దరి మధ్య ఉన్న ఈ క్రేజీ బాండింగ్ చూసి అటు షాహిద్, కృతి సనన్ అభిమానులతో పాటు మెగా ఫ్యాన్స్ కూడా ఫిదా అవుతున్నారు.

ప్రమోషన్స్‌లో రష్మిక బిజీ.. జూన్ 19న గ్రాండ్ రిలీజ్

ఈ క్రేజీ ప్రాజెక్ట్‌పై వస్తున్న పాజిటివ్ రెస్పాన్స్‌కు రష్మిక రీసెంట్‌గా అభిమానులకు కృతజ్ఞతలు తెలిపింది. ఈ సినిమా ప్రమోషన్స్ లో ఆమె ఎంతో యాక్టివ్‌గా పాల్గొంటోంది. మ్యాడక్ ఫిల్మ్స్, లవ్ ఫిల్మ్స్ పతాకాలపై దినేష్ విజన్, లవ్ రంజన్, అంకుర్ గార్గ్ ఈ భారీ చిత్రాన్ని సంయుక్తంగా నిర్మిస్తున్నారు.

తరుణ్ జైన్, లవ్ రంజన్ కథను అందించగా.. హోమి అడజానియా ఈ చిత్రానికి దర్శకత్వం వహిస్తున్నారు. అన్ని రకాల హంగులతో సిద్ధమవుతున్న ఈ క్రేజీ సీక్వెల్ జూన్ 19, 2026న ప్రపంచవ్యాప్తంగా థియేటర్లలో గ్రాండ్‌గా విడుదల కానుంది.