‘ఇరుముడి’: రిలీజ్ డేట్ లాక్ చేసిన రవితేజ.. నాని సినిమా వాయిదా పడనుందా?

Ravi Teja: మాస్ మహారాజా రవితేజ కథానాయకుడిగా, మైత్రీ మూవీ మేకర్స్ నిర్మాణంలో, సక్సెస్ ఫుల్ డైరెక్టర్ శివ నిర్వాణ దర్శకత్వంలో తెరకెక్కుతున్న లేటెస్ట్ ఎమోషనల్ అండ్ ఫ్యామిలీ డ్రామా ‘ఇరుముడి’ . ఇటీవల విడుదలైన ఈ సినిమా టీజర్ గ్లింప్స్ ప్రేక్షకులను విశేషంగా ఆకట్టుకుని, రవితేజను సరికొత్త లవ్ బుల్ ఫాదర్ రోల్‌లో చూపించి పాజిటివ్ వైబ్స్ క్రియేట్ చేసింది. ఈ అద్భుతమైన రెస్పాన్స్‌కు థాంక్స్ చెబుతూ చిత్ర యూనిట్ తాజాగా ఈ సినిమా అఫీషియల్ రిలీజ్ డేట్‌ను అనౌన్స్ చేసింది.

ఆగస్టు 21న ‘ఇరుముడి’ రచ్చ.. తమిళంలో క్రేజీ టైటిల్!

ఈ చిత్రాన్ని ఆగస్టు 21, 2026న ప్రపంచవ్యాప్తంగా థియేటర్లలో గ్రాండ్‌గా విడుదల చేయబోతున్నట్లు మేకర్స్ అధికారికంగా ప్రకటించారు. ఈ సినిమాను కేవలం తెలుగులోనే కాకుండా తమిళంలో కూడా ఒకే రోజు రిలీజ్ చేయనున్నారు. కోలీవుడ్‌లో ఈ చిత్రానికి ‘ఇరుముడికట్టు’ అనే పవర్‌ఫుల్ టైటిల్‌ను ఖరారు చేశారు. అయ్యప్ప దీక్ష నేపథ్యంతో కూడిన తండ్రీకూతుళ్ల సెంటిమెంట్ కథ కావడంతో సౌత్ ఇండియా అంతటా ఈ సినిమాపై మంచి క్రేజ్ ఏర్పడింది.

నాని ‘ది ప్యారడైజ్’ తో క్లాష్.. తప్పుకోనున్న నాచురల్ స్టార్?

ఆసక్తికరమైన విషయమేమిటంటే.. సరిగ్గా ఇదే తేదీన (ఆగస్టు 21న) నాచురల్ స్టార్ నాని మోస్ట్ అవేటెడ్ మూవీ ‘ది ప్యారడైజ్’ కూడా విడుదల కావాల్సి ఉంది. అయితే ఒకే రోజు ఇద్దరు పెద్ద హీరోల సినిమాలు వస్తుండటంతో బాక్సాఫీస్ వద్ద థియేటర్ల క్లాష్ వచ్చే అవకాశం ఉంది. ఈ నేపథ్యంలో లేటెస్ట్ ఇండస్ట్రీ టాక్ ప్రకారం.. నాని సినిమా ఆగస్టు రేసు నుండి తప్పుకుని, మరో తేదీకి వాయిదా పడే అవకాశాలు ఎక్కువగా ఉన్నాయని సమాచారం. దీనిపై త్వరలోనే స్పష్టత రానుంది.

బలమైన తారాగణం.. వైవిధ్యమైన పాత్రలో రవితేజ

రవితేజ కెరీర్‌లో ఒక మైలురాయిగా నిలిచే ఈ సినిమాలో ప్రియా భవానీ శంకర్ హీరోయిన్‌గా నటిస్తుండగా, బేబీ నక్షత్ర ఆయన కూతురిగా కీలక పాత్ర పోషిస్తోంది. వర్సటైల్ మ్యూజిక్ డైరెక్టర్ జి.వి. ప్రకాష్ కుమార్ ఈ చిత్రానికి హార్ట్ టచింగ్ ట్యూన్స్ అందిస్తున్నారు. యాక్షన్ ఎలిమెంట్స్‌తో పాటు గుండెల్ని పిండేసే ఎమోషన్స్‌తో రాబోతున్న ఈ సినిమా రవితేజకు ఎలాంటి విజయాన్ని అందిస్తుందో చూడాలి.