Sreeleela: అందుకే తెలుగు సినిమాలకు దూరంగా ఉన్నా..!
Sreeleela: తెలుగు సినిమాల గ్యాప్పై శ్రీలీల స్పష్టత ఇచ్చారు.
Sreeleela: అందుకే తెలుగు సినిమాలకు దూరంగా ఉన్నా..!
Sreeleela: కొంతకాలంగా కొత్త తెలుగు ప్రాజెక్టులు తక్కువగా కనిపించడంతో శ్రీలీల సినిమాల వేగం తగ్గించారా అనే చర్చ నడిచింది. అయితే దీని వెనుక ఎలాంటి దూరమయ్యే ఉద్దేశం లేదని ఆమె స్పష్టం చేశారు. మెడిసిన్ చదువు, ఇంటర్న్షిప్ అవసరాల దృష్ట్యా రెండేళ్ల పాటు ముంబయిలో ఉండాల్సి రావడంతో తెలుగులో కొత్త సినిమాలకు ఓకే చెప్పలేకపోయానని తెలిపారు.
తెలుగు ప్రేక్షకులకు, టాలీవుడ్కు దూరం కావడానికి పెద్ద కారణాలు అంటూ ఏమీ లేవని, కేవలం తన అకడమిక్ కమిట్మెంట్స్ వల్లే ఆ గ్యాప్ వచ్చిందని వివరించారు.
సినిమాల జయాపజయాలు, ప్రాజెక్టుల ఎంపికపై శ్రీలీల చాలా నిజాయితీగా తన అభిప్రాయాలను పంచుకున్నారు.చాలా చిన్న వయసులోనే నటిగా కెరీర్ ప్రారంభించానని, ఆరంభ రోజుల్లో కథల ఎంపికలో తనకు పెద్దగా స్వేచ్ఛ ఉండేది కాదని చెప్పారు.కెరీర్ మొదట్లో వచ్చిన అవకాశాలను అంగీకరిస్తూ ముందుకు సాగానని తెలిపారు. కొన్ని సినిమాల తర్వాత ఎక్కడ పొరపాట్లు జరుగుతున్నాయో అర్థమైందని, ఇప్పుడు సినిమాల ఎంపికలో మరింత పరిణతి వచ్చిందని పేర్కొన్నారు.
ఒకవైపు వైద్య విద్య బాధ్యతలు, మరోవైపు సినిమా ప్రయాణం ఈ రెండింటినీ బ్యాలెన్స్ చేస్తూ వచ్చిన అనుభవం శ్రీలీలకు కొత్త దృక్పథాన్ని ఇచ్చింది. తొలిరోజుల్లో హడావుడిగా అవకాశాలను అందుకున్న స్థితి నుంచి, ఇప్పుడు ఆచితూచి కథలను ఎంచుకునే దశకు చేరుకోవడం ఆమె కెరీర్లో ఒక కీలక మలుపుగా నిలుస్తోంది. తెలుగు ప్రేక్షకులకు దూరం కాకుండా, ఇకపై మరింత ఆలోచించి ప్రాజెక్టులను ఎంచుకుంటాననే ఆమె మాటలు అభిమానులకు కొత్త ఉత్సాహాన్ని ఇస్తున్నాయి.




