Geetha Bhagat: టాలీవుడ్కు కొత్త టాలెంట్ పరిచయం చేసేందుకు గీతా భగత్ ముందడుగు
Geetha Bhagat: యాంకర్ గీతా భగత్ కొత్త ప్రయాణం. ‘ఆరెంజ్ కాస్టింగ్’ పేరుతో కాస్టింగ్ ఏజెన్సీ ప్రారంభం. కొత్త నటీనటులకు టాలీవుడ్లో అవకాశాలు కల్పించడమే లక్ష్యం.
Geetha Bhagat: టాలీవుడ్కు కొత్త టాలెంట్ పరిచయం చేసేందుకు గీతా భగత్ ముందడుగు
Geetha Bhagat: టాలీవుడ్ స్టార్ యాంకర్ గీతా భగత్ కెరీర్లో మరో కీలక అడుగు వేశారు. యాంకర్గా తనదైన వాక్చాతుర్యం, హుందాతనంతో సుమ తర్వాత ఆ స్థాయి క్రేజ్ సంపాదించుకున్న ఆమె, ఇప్పుడు సినీ ఇండస్ట్రీలోకి రావాలనుకునే నూతన ప్రతిభావంతుల కోసం 'ఆరెంజ్ కాస్టింగ్' (Orange Casting) పేరుతో ఒక కాస్టింగ్ ఏజెన్సీని ప్రారంభించారు.
టాలెంట్ను వెతకడమే లక్ష్యం:
సినిమాల్లో నటించాలనే ఆసక్తి ఉండి, సరైన దారి తెలియక ఇబ్బంది పడే యువ నటీనటులను ప్రోత్సహించేందుకు గీతా భగత్ ఈ నిర్ణయం తీసుకున్నారు. ఈ సందర్భంగా తన ఇన్స్టాగ్రామ్ వేదికగా ఏజెన్సీ లోగోను విడుదల చేస్తూ ఆసక్తికర పోస్ట్ చేశారు.
"మంచి విషయాలను ప్రకటించడానికి కాస్త ఆలస్యమైనా పర్వాలేదు. 'ఆరెంజ్ కాస్టింగ్'ను అధికారికంగా ప్రారంభించడం చాలా సంతోషంగా ఉంది. ఎంటర్టైన్మెంట్ ఇండస్ట్రీలో కొత్త ముఖాలను, నిజమైన టాలెంట్ను వెతికి పట్టుకుని వారికి సరైన అవకాశాలు కల్పించడమే మా లక్ష్యం" అని గీతా భగత్ పేర్కొన్నారు.
ఇండస్ట్రీ వర్గాల అభినందనలు:
కేవలం ప్రారంభం మాత్రమేనని, భవిష్యత్తులో మరిన్ని అదిరిపోయే అప్డేట్స్ ఉంటాయని ఆమె ప్రకటించడంతో నెటిజన్లలో క్యూరియాసిటీ పెరిగింది. సినీ రంగంలోకి రావాలనుకునే వారికి ఒక నమ్మకమైన వేదికను కల్పించాలనే ఆమె ఆలోచనను ఇండస్ట్రీ వర్గాలు మరియు అభిమానులు అభినందిస్తున్నారు.
ప్రస్తుతం గీతా భగత్ పెద్ద సినిమాల ప్రీ-రిలీజ్ ఈవెంట్స్, సెలబ్రిటీ ఇంటర్వ్యూలతో బిజీగా ఉంటూనే, ఈ కాస్టింగ్ ఏజెన్సీ ద్వారా కొత్త తరం నటీనటులను తెలుగు తెరకు పరిచయం చేసేందుకు సిద్ధమయ్యారు.