Staya’s Jetlee: నవ్వుల ‘జెట్లీ’ రెడీ.. సత్య ‘ఆపరేషన్ డైనోసార్’ రిలీజ్ ట్రైలర్ అదిరింది!

Staya’s Jetlee: టాలీవుడ్ స్టార్ కమెడియన్ సత్య కథానాయకుడిగా రితేష్ రానా దర్శకత్వంలో తెరకెక్కిన వినూత్న చిత్రం ‘జెట్లీ’. రేపు (మే 1) ప్రపంచవ్యాప్తంగా విడుదల కానున్న నేపథ్యంలో, చిత్ర బృందం తాజాగా ‘రిలీజ్ ట్రైలర్’ను విడుదల చేసింది. తనదైన శైలిలో నవ్వులు పూయిస్తూనే, యాక్షన్ కలగలిసిన ఒక క్రేజీ అడ్వెంచర్‌గా ఈ సినిమా ప్రేక్షకుల ముందుకు రాబోతోంది.

సత్య మార్కు కామెడీ.. నవ్వుల విందు

తెరపై కనిపిస్తేనే నవ్వులు పూయించే సత్య, ఈ చిత్రంలో తన టైమింగ్‌తో మరోసారి మ్యాజిక్ చేయబోతున్నట్లు ట్రైలర్ చూస్తే అర్థమవుతోంది. హీరోయిన్ అడిగే సీరియస్ ప్రశ్నలకు ఆయన ‘క్రోధం, ఆగ్రహం, ఆవేశం’ అంటూ ఇచ్చే సమాధానాలు ఇప్పటికే సామాజిక మాధ్యమాల్లో వైరల్ అవుతున్నాయి. దర్శకుడు రితేష్ రానా తన గత చిత్రాల తరహాలోనే ఈ సినిమాను కూడా ఒక విలక్షణమైన కథాంశంతో తీర్చిదిద్దారు. సత్య నటన, హావభావాలు ట్రైలర్‌లో ప్రధాన ఆకర్షణగా నిలిచాయి.

ఆపరేషన్ డైనోసార్

ఈ సినిమా ‘ఆపరేషన్ డైనోసార్’ అనే ఆసక్తికరమైన ఇతివృత్తం చుట్టూ తిరుగుతుంది. కేవలం వినోదం మాత్రమే కాకుండా, కథలో ఉత్కంఠను రేకెత్తించే అంశాలు కూడా ఉన్నట్లు ట్రైలర్ సంకేతాలు ఇస్తోంది. వెన్నెల కిశోర్, వైవా హర్ష వంటి అగ్రశ్రేణి హాస్య నటులు తోడవడంతో ఈ సినిమా ఒక ఫుల్ లెంగ్త్ కామెడీ ఎంటర్‌టైనర్‌గా నిలవనుంది. ప్రతి సన్నివేశంలోనూ హాస్యం నిండి ఉండేలా దర్శకుడు జాగ్రత్తలు తీసుకున్నట్లు తెలుస్తోంది.

https://www.youtube.com/watch?v=lhNPpBeVpYk&t=103s

మిస్ యూనివర్స్ ఇండియా ఎంట్రీ

ఈ చిత్రంతో మరో విశేషం ఏమిటంటే, ‘మిస్ యూనివర్స్ ఇండియా-2024’ విజేత రియా సింఘా వెండితెరకు పరిచయం కాబోతున్నారు. ఆమె పాత్ర ఈ సినిమాలో చాలా కీలకమని, సత్యతో ఆమె కెమిస్ట్రీ , నటన సినిమాకు గ్లామర్‌ను జోడిస్తాయని చిత్ర బృందం ధీమా వ్యక్తం చేస్తోంది. అందాల సుందరి మొదటి సినిమా కావడంతో ప్రేక్షకుల లోనూ ఆసక్తి నెలకొంది.

రేపే గ్రాండ్ రిలీజ్

అన్ని కార్యక్రమాలు పూర్తి చేసుకున్న ‘జెట్లీ’ మే 1న థియేటర్లలో సందడి చేయడానికి సిద్ధమైంది. వేసవి సెలవుల నేపథ్యంలో విడుదలవుతున్న ఈ చిత్రం కుటుంబ ప్రేక్షకులను, ముఖ్యంగా యువతను బాగా ఆకట్టుకుంటుందని అంచనా వేస్తున్నారు. ఇప్పటికే విడుదలైన టీజర్, సాంగ్స్ మంచి స్పందన లభించగా, ఇప్పుడు రిలీజ్ ట్రైలర్ సినిమాపై అంచనాలను ఒక్కసారిగా పెంచేసింది.