Batwara: సన్నీ డియోల్ 'బటవారా 1947' మూవీకి సెన్సార్ క్లియరెన్స్

Batwara: బాలీవుడ్ యాక్షన్ హీరో సన్నీ డియోల్ ప్రధాన పాత్రలో నటించిన చారిత్రాత్మక చిత్రం 'బటవారా 1947' (Batwara 1947). 1947 దేశ విభజన నేపథ్యంలో తెరకెక్కిన ఈ చిత్రానికి సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) ఎలాంటి కట్స్ లేకుండా క్లియరెన్స్ ఇచ్చింది. దీంతో ఆగస్టు 14న సినిమా గ్రాండ్‌గా విడుదలకు సిద్ధమైంది.

సెప్టెంబర్ కాదు.. ఆగస్టు 14న గ్రాండ్ రిలీజ్

ప్రముఖ నాటక రచయిత అస్గర్ వజాహత్ రాసిన ప్రసిద్ధ నాటకం 'జిస్ లాహోర్ నై వెఖ్యా, ఓ జమ్యా ఎ నై' ఆధారంగా ఈ చిత్రాన్ని తెరకెక్కించారు. రాజ్‌కుమార్ సంతోషి దర్శకత్వం వహించిన ఈ సినిమాను ఆగస్టు 14న ప్రపంచవ్యాప్తంగా థియేటర్లలో విడుదల చేస్తున్నట్లు మేకర్స్ అధికారికంగా ప్రకటించారు. సెన్సార్ బోర్డు నుంచి ఎలాంటి కోతలు లేకుండా సర్టిఫికేట్ రావడంతో చిత్ర యూనిట్ సంతోషం వ్యక్తం చేస్తోంది.

ఈ చిత్రంలో సన్నీ డియోల్ వలస వచ్చిన ముస్లిం కుటుంబానికి పెద్దగా నటించగా, పాకిస్థాన్‌లోనే ఉండిపోయి తన స్వగృహాన్ని విడిచిపెట్టడానికి నిరాకరించిన వృద్ధ హిందూ మహిళ పాత్రలో సీనియర్ నటి షబానా ఆజ్మీ కనిపించనున్నారు. విభజన సమయంలో మానవత్వం, ధైర్యం, కుటుంబ బంధాల నేపథ్యంలో ఈ కథ సాగుతుంది.

భారీ తారాగణం, అగ్ర సాంకేతిక నిపుణులు

ఆమిర్ ఖాన్ ప్రొడక్షన్స్ పతాకంపై ఆమిర్ ఖాన్, అపర్ణ పురోహిత్ ఈ చిత్రాన్ని నిర్మించారు. ఈ చిత్రంలో ప్రీతి జింటా, కరణ్ డియోల్, అలీ ఫజల్, అభిమన్యు సింగ్ తదితరులు కీలక పాత్రలు పోషిస్తున్నారు. ఈ సినిమాకు లెజెండరీ మ్యూజిక్ డైరెక్టర్ ఏ.ఆర్. రెహమాన్ సంగీతం అందించగా, జావేద్ అక్తర్ పాటలకు సాహిత్యం సమకూర్చారు. ఇప్పటికే విడుదలైన ప్రచార చిత్రాలు, 'కహాన్ చలే గయే హో రామ్' అనే పాట ప్రేక్షకుల్లో భారీ అంచనాలను పెంచాయి.