Tiger Shroff: కాల్పుల కలకలం.. మళ్లీ షూటింగ్‌కు టైగర్ ష్రాఫ్.!

Tiger Shroff: ముంబైలోని జూహు గిన ఫుట్‌బాల్ గ్రౌండ్ సమీంలో జరికాల్పుల ఘటన తర్వాత బాలీవుడ్ నటుడు టైగర్ ష్రాఫ్ మళ్లీ షూటింగ్ సెట్స్‌లో అడుగుపెట్టేందుకు సిద్ధమవుతున్నారు. దీపావళి పండుగ ముగిసిన తర్వాత ఆయన తిరిగి ‘లగ్ జా గలే’ సినిమా షూటింగ్‌లో పాల్గొననున్నట్లు తెలుస్తోంది. ఈ చిత్రంలో జాన్వీ కపూర్ ప్రధాన పాత్రలో నటిస్తున్నారు. అయితే కొద్దిరోజులుగా వస్తున్న వార్తలకు విరుద్ధంగా, టైగర్ ప్రస్తుతం తన కుటుంబంతో గడుపుతున్నారని, నవంబర్ నెలలో పండుగ వాతావరణం ముగిశాక ఆయన తిరిగి పనిలో బిజీ కానున్నారని ‘ఇండియా టుడే’ నివేదిక వెల్లడించింది.

భద్రతను కట్టుదిట్టం చేసిన చిత్ర యూనిట్

జూహులో జరిగిన కాల్పుల ఘటన టైగర్ ష్రాఫ్‌తో పాటు ఆయన కుటుంబాన్ని తీవ్రంగా కలచివేసినప్పటికీ, వారంతా ఇప్పుడు తేరుకుని మళ్లీ సాధారణ జీవితాన్ని గడపాలని కోరుకుంటున్నారు. అయితే భద్రత విషయంలో మాత్రం ఎలాంటి రాజీ పడకూడదని నిర్ణయించుకున్నారు. టైగర్ భద్రతా బృందం, సినిమా నిర్మాణ సంస్థ సంయుక్తంగా అదనపు జాగ్రత్తలపై చర్చలు జరిపాయి. ఆయన షూటింగ్ షెడ్యూల్స్ , లొకేషన్ వివరాలను అత్యంత గోప్యంగా ఉంచాలని, కేవలం అతికొద్ది మందికి మాత్రమే ఆ సమాచారం చేరేలా ప్రణాళిక సిద్ధం చేశారు. ఈ భద్రతా ఏర్పాట్ల మధ్యే ఆయన తన ఇతర వృత్తిపరమైన కట్టుబాట్లను కూడా యథావిధిగా పూర్తి చేయనున్నారు.

అసలు అక్టోబర్ 18న ఏం జరిగింది?

అక్టోబర్ 18న ముంబైలోని జూహులో ఉన్న ఫుట్‌బాల్ గ్రౌండ్‌లో టైగర్ ష్రాఫ్ ఫుట్‌బాల్ ఆడుతుండగా కొందరు దుండగులు సంచలనం సృష్టించారు. మోటార్ సైకిల్‌పై వచ్చిన ముగ్గురు వ్యక్తులు గ్రౌండ్ సమీపంలో కాల్పులు జరిపారు. ఈ ప్రమాదం నుంచి టైగర్ ష్రాఫ్ తృటిలో ప్రాణాలతో బయటపడగా, ఆయన డ్రైవర్ సహా మరో వ్యక్తి గాయపడ్డారు. ఈ దాడికి లారెన్స్ బిష్ణోయ్ గ్యాంగ్ బాధ్యత వహించింది.

ఈ ఘటనపై కేసు నమోదు చేసుకున్న ముంబై పోలీసులు దర్యాప్తు వేగవంతం చేసి నిందితులను అదుపులోకి తీసుకున్నారు. అయితే నిందితులు ముంబైలో ఎక్కడ తలదాచుకున్నారు, వారికి ఎవరు ఆశ్రయం కల్పించారనే కోణంలో పోలీసులు ఆరా తీశారు. ప్రధాన నిందితులైన రేహాన్ అన్సారీ, ఫూల్ సింగ్ నగరంలోని పలు హోటళ్లు, లాడ్జీలలో దాదాపు నెల రోజుల పాటు బస చేసినట్లు తేలింది. అంతేకాకుండా కాల్పులకు ఉపయోగించిన పిస్టల్‌ను అందించడానికి వచ్చిన రాధా వర్మ, బబితా రావు అనే నిందితులు దాదర్ ఈస్ట్‌లోని లాడ్జీలలో నకిలీ గుర్తింపు కార్డులను ఉపయోగించి బస చేసినట్లు దర్యాప్తులో వెల్లడైంది.