Nalgonda: నల్గొండ లేబర్ ఆఫీస్ ముందు ఏఐటీయూసీ మెరుపు ధర్నా

నల్గొండ: నల్గొండలో కార్మికుల సమస్యల పరిష్కారం కోసం ఏఐటీయూసీ కదం తొక్కింది. లేబర్ ఆఫీస్ ఎదుట ఆ సంఘం నాయకుడు పల్లె దేవేందర్ ఆధ్వర్యంలో కార్మికులు పెద్ద ఎత్తున ధర్నాకు దిగారు.​తమ న్యాయమైన డిమాండ్లను అధికారులు వెంటనే పరిష్కరించాలని నినాదాలు చేస్తూ ఆందోళన చేపట్టారు. కనీస వేతనాల అమలు, పెండింగ్ సమస్యలపై లేబర్ ఆఫీస్ అధికారుల నిర్లక్ష్యాన్ని నిరసిస్తూ కార్మికులు ఈ నిరసన కార్యక్రమం నిర్వహించారు.

తమ గోడును ప్రభుత్వం, సంబంధిత అధికారులు తక్షణమే పట్టించుకోవాలని పల్లె దేవేందర్ డిమాండ్ చేశారు. లేనిపక్షంలో రాబోయే రోజుల్లో ఆందోళనలను మరింత ఉధృతం చేస్తామని ఏఐటీయూసీ నేతలు హెచ్చరించారు. ఈ ధర్నాతో లేబర్ ఆఫీస్ పరిసరాల్లో కొంతసేపు ఉద్రిక్త వాతావరణం నెలకొంది.