Kondabhimanapalli: కొండభీమనపల్లిలో మహిళా సమాఖ్య భవనం ప్రారంభించిన ఎమ్మెల్యే
Kondabhimanapalli: కొండభీమనపల్లిలో మహిళా సమాఖ్య భవనాన్ని ప్రారంభించి, గిరిజానగర్ తండాలో ఇందిరమ్మ ఇళ్ల గృహప్రవేశాల్లో ఎమ్మెల్యే నేనావత్ బాలు నాయక్ పాల్గొన్నారు.
Kondabhimanapalli: కొండభీమనపల్లిలో మహిళా సమాఖ్య భవనం ప్రారంభించిన ఎమ్మెల్యే
Kondabhimanapalli: కొండభీమనపల్లిలో మహిళా సమాఖ్య భవనం ప్రారంభించిన ఎమ్మెల్యే బాలు నాయక్ గిరిజానగర్ తండాలో గృహప్రవేశాలు.. గ్రామ సమస్యల పరిష్కారానికి అధికారులకు సూచనలు గ్రామాల అభివృద్ధి, మహిళా సంఘాల బలోపేతం, పేదల సొంతింటి కల సాకారం లక్ష్యంగా ప్రభుత్వం కృషి చేస్తోందని దేవరకొండ ఎమ్మెల్యే నేనావత్ బాలు నాయక్ అన్నారు. గురువారం దేవరకొండ మండలం కొండభీమనపల్లిలో మహిళా సమాఖ్య భవనాన్ని ప్రారంభించారు.
మహిళా సంఘాల సమావేశాలు, స్వయం సహాయక సంఘాల కార్యకలాపాలకు ఈ భవనం ఉపయోగపడుతుందని, మహిళలు ఆర్థికంగా ఎదిగి స్వయం సమృద్ధి సాధించాలని ఎమ్మెల్యే ఆకాంక్షించారు.
ఇందిరమ్మ ఇళ్లలో గృహప్రవేశాలుఅనంతరం గిరిజానగర్ తండా గ్రామపంచాయతీలో ఇందిరమ్మ ఇళ్ల గృహప్రవేశ కార్యక్రమంలో పాల్గొని లబ్ధిదారులకు శుభాకాంక్షలు తెలిపారు. పేద కుటుంబాలకు సొంత ఇల్లు భద్రతతోపాటు ఆత్మగౌరవాన్ని కల్పిస్తుందని పేర్కొన్నారు గ్రామ సమస్యల పరిష్కారానికి ప్రాధాన్యం రెండు గ్రామాల్లో ప్రజలతో మాట్లాడి విద్యుత్ సరఫరా, డ్రైనేజీ, ఇతర మౌలిక వసతుల సమస్యలను ఎమ్మెల్యే అడిగి తెలుసుకున్నారు.
సంబంధిత అధికారులతో మాట్లాడి ప్రజలు ఎదుర్కొంటున్న సమస్యల పరిష్కారానికి తక్షణ చర్యలు తీసుకోవాలని సూచించారు. గ్రామాల అభివృద్ధికి, ప్రజలకు మెరుగైన సదుపాయాల కల్పనకు కృషి చేస్తామని తెలిపారు.
ఈ కార్యక్రమాల్లో సంబంధిత అధికారులతో పాటు ఆలంపల్లి నర్సింహా, మారుపాకుల సురేష్ గౌడ్, లోకసాని శ్రీధర్ రెడ్డి, హనుమంతు వెంకటేష్ గౌడ్, కొర్ర రాంసింగ్, కిన్నెర హరికృష్ణ, కొన్రెడ్డి శ్రీను, నేనావత్ బుజ్జిభాయి హరిలాల్, వంగూరు రాజు గౌడ్, మండలంలోని సర్పంచులు, ప్రజాప్రతినిధులు, కాంగ్రెస్ పార్టీ ముఖ్య నాయకులు, యూత్ కాంగ్రెస్ నాయకులు, గ్రామస్థులు తదితరులు పాల్గొన్నారు.
