Nalgonda: ఆట పాట సీజన్-3 విజేతగా హేనా గ్రేస్.. వెంగన్నగూడెంలో సంబరాలు!

Nalgonda: నిడమానూరు మండల పరిధిలోని వెంగన్నగూడెం గ్రామానికి చెందిన పొట్టేపాక అంజయ్య (ఉపసర్పంచ్) కుమార్తె హేనా గ్రేస్ బుల్లితెరపై ప్రతిభ చాటింది. ప్రముఖ టీవీ ఛానల్‌ నిర్వహించిన 'ఆట పాట' సీజన్-3 గ్రాండ్ ఫినాలేలో ఆమె ప్రథమ బహుమతిని కైవసం చేసుకుని రికార్డు సృష్టించింది. ఈ సందర్భంగా సింగర్ హేనా గ్రేస్ మాట్లాడుతూ..

ఈ విజయం వెనుక తన తల్లిదండ్రుల ప్రోత్సాహం ఎంతో ఉందని వారికే ఈ గెలుపు అంకితమని భావోద్వేగానికి లోనయ్యారు. తనకు మద్దతుగా నిలిచిన వెంగన్నగూడెం గ్రామ ప్రజలకు, పరిసర ప్రాంతాల అభిమానులకు ఆమె ప్రత్యేక కృతజ్ఞతలు తెలియజేశారు. హేనా గ్రేస్ సాధించిన విజయం పట్ల స్థానికులు, ప్రజాప్రతినిధులు హర్షం వ్యక్తం చేస్తూ అభినందనలు కురిపిస్తున్నారు.