Huzurnagar: శ్రీ చైతన్య పాఠశాలలో వినాయక చవితి ముందస్తు వేడుకలు

హుజూర్ నగర్: శ్రీ చైతన్య పాఠశాలలో వినాయక చవితి పర్వదినాన్ని పురస్కరించుకుని ముందస్తు వేడుకలను అత్యంత వైభవంగా, భక్తిశ్రద్ధలతో నిర్వహించారు. ఈ సందర్భంగా పాఠశాల ఆవరణలో గణపతి విగ్రహాన్ని ప్రతిష్టించి,విద్యార్థులు,ఉపాధ్యాయులు ప్రత్యేక పూజలు నిర్వహించారు.

చిన్నారులు సాంప్రదాయ దుస్తులు ధరించి పూజా కార్యక్రమాల్లో ఉత్సాహంగా పాల్గొన్నారు.​ఈ సందర్భంగా పాఠశాల ప్రిన్సిపల్ పోసాని వెంకటరమణ మాట్లాడుతూ, భారతీయ సంస్కృతి,సంప్రదాయాలు మరియు పండుగల వెనుక ఉన్న విశిష్టతను, ఔన్నత్యాన్ని భావితరాలకు తెలియజేయడమే ఈ వేడుకల ముఖ్య ఉద్దేశమని పేర్కొన్నారు.విఘ్నాలను తొలగించే వినాయకుడి పూజ ద్వారా విద్యార్థులలో ఏకాగ్రత, క్రమశిక్షణ,

సద్భావన అలవడుతాయని ఆయన తెలిపారు. పర్యావరణ పరిరక్షణ కోసం మట్టి వినాయకులనే పూజించాలని విద్యార్థులకు పిలుపునిచ్చారు. ​ఈ కార్యక్రమంలో పాఠశాల ఉపాధ్యాయ బృందం మరియు విద్యార్థులు పాల్గొన్నారు.