Devarakonda: చేనేత కార్మికుల సంక్షేమానికి ప్రాధాన్యం.. ఎమ్మెల్యే

Devarakonda: చేనేత రంగాన్ని బలోపేతం చేయడంతో పాటు కార్మికుల సంక్షేమానికి తమ ప్రభుత్వం ఎల్లప్పుడూ కట్టుబడి ఉంటుందని దేవరకొండ శాసనసభ్యులు శ్రీ నేనావత్ బాలు నాయక్ పేర్కొన్నారు.

​శుక్రవారం దేవరకొండ పట్టణంలోని చేనేత సహకార సంఘం నూతన కార్యవర్గ ప్రమాణ స్వీకార మహోత్సవ కార్యక్రమం ఘనంగా నిర్వహించారు. ఈ కార్యక్రమానికి దేవరకొండ ఎమ్మెల్యే బాలు నాయక్‌తో కలిసి నల్గొండ జిల్లా కాంగ్రెస్ కమిటీ (DCC) అధ్యక్షులు శ్రీ పున్న కైలాష్ నేత ముఖ్య అతిథులుగా హాజరయ్యారు.

​నూతనంగా బాధ్యతలు స్వీకరించిన సంఘ ప్రతినిధులకు ఈ సందర్భంగా వారు శుభాకాంక్షలు తెలిపారు. అనంతరం నాయకులు మాట్లాడుతూ.. చేనేత వృత్తిపై ఆధారపడిన ప్రతి కుటుంబానికి అండగా ఉంటామని, సొసైటీ ద్వారా అందుతున్న ప్రభుత్వ ఫలాలను అర్హులందరికీ చేరేలా చూడాలని సూచించారు.