Nalgonda: మానవత్వం చాటుకున్న ఎమ్మెల్యే కోమటిరెడ్డి రాజగోపాల్ రెడ్డి!

Nalgonda: నల్లగొండ జిల్లా మునుగోడు నియోజకవర్గంలో మానవత్వం చాటుకున్న ఎమ్మెల్యే కోమటిరెడ్డి రాజగోపాల్ రెడ్డి.రోడ్డు ప్రమాదంలో తీవ్రంగా గాయపడి ఆసుపత్రిలో చికిత్స పొందుతున్న యువకుడి ప్రాణాలు కాపాడేందుకు నేనున్నానంటూ ముందుకొచ్చారు.

​నారాయణపురం మండలం కోపుల తండాకు చెందిన మెగావత్ రాకేష్ బైక్ ప్రమాదంలో తీవ్రంగా గాయపడటంతో, స్థానిక నాయకులు ఈ విషయాన్ని ఎమ్మెల్యే రాజగోపాల్ రెడ్డి దృష్టికి తీసుకెళ్లారు. బాధితుడి పరిస్థితి తెలుసుకున్న ఎమ్మెల్యే, తక్షణమే స్పందించి 2 లక్షల రూపాయల అత్యవసర ఆర్థిక సాయం ప్రకటించారు.

హైదరాబాద్‌లోని ఆసుపత్రికి వెళ్లిన నారాయణపురం మండల నాయకులు, రాకేష్ తల్లిదండ్రులకు ఆ 2 లక్షల రూపాయల చెక్కును నేరుగా అందజేశారు. సమయానికి స్పందించి ప్రాణదాతగా నిలిచిన ఎమ్మెల్యే రాజగోపాల్ రెడ్డికి బాధితుడి కుటుంబ సభ్యులు, తండావాసులు కృతజ్ఞతలు తెలిపారు.