Nakerekal: కష్టాలను జయించి ఉస్మానియాలో ఎంబీబీఎస్ సీటు సాధించిన సిద్ధిఖ్

నకిరేకల్‌: పేదరికం గడప దాటనివ్వకపోయినా, పట్టుదల ఉంటే ఆకాశమే హద్దు అని నిరూపించాడు నకిరేకల్‌కు చెందిన అబూబకర్ సిద్ధిఖ్.

గతేడాది తండ్రి మౌలానా అక్బర్ హఠాన్మరణంతో కుటుంబం తీవ్ర ఆర్థిక ఇబ్బందుల్లో కూరుకుపోయింది. అయినా ఆ వేదనను దిగమింగుకుని, చదువునే ఆయుధంగా మలచుకున్నాడు.

పక్కా ప్రణాళికతో శ్రమించి NEETలో 552 మార్కులు సాధించి, ప్రతిష్ఠాత్మక ఉస్మానియా మెడికల్ కాలేజీలో ఎంబీబీఎస్ సీటు దక్కించుకున్నాడు.

కష్టాలను జయించి డాక్టర్ కాబోతున్న సిద్ధిఖ్ విజయం ఎంతోమంది పేద విద్యార్థులకు ఆదర్శంగా నిలుస్తోంది.