Nakrekal: నెలిబండలో ధాన్యం కొనుగోలు కేంద్రాన్ని ప్రారంభించిన ఎమ్మెల్యే

నకిరేకల్: నకిరేకల్ మండలం నెలిబండ గ్రామంలో NDCMS ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాన్ని ప్రభుత్వ విప్, నకిరేకల్ ఎమ్మెల్యే శ్రీ వేముల వీరేశం ప్రారంభించారు.

ఈ సందర్భంగా ఎమ్మెల్యే మాట్లాడుతూ రైతులు పండించిన ప్రతి గింజను ప్రభుత్వం కొనుగోలు చేస్తుందని, కొనుగోలు కేంద్రంలో రైతులకు ఎలాంటి ఇబ్బందులు తలెత్తకుండా అన్ని వసతులు కల్పించాలని అధికారులను ఆదేశించారు.

ఈ కార్యక్రమంలో PACS చైర్మన్ నాగులంచ వెంకటేశ్వరావు గారు , మార్కెట్ కమిటీ చైర్మన్ గుత్త మంజుల మాధవ రెడ్డి గారు, సర్పంచ్ ఆడెపు రాఘవులు ,నాయకులు, స్థానిక ప్రజాప్రతినిధులు, సంబంధిత అధికారులు, రైతులు తదితరులు పాల్గొన్నారు.