Nalgonda: ఖేలో ఇండియా యూత్ గేమ్స్‌కు నల్లగొండ క్రీడాకారులు

నల్లగొండ జిల్లా: హైదరాబాద్ వేదికగా డిసెంబరు మొదటి వారంలో నిర్వహించనున్న 8వ ఖేలో ఇండియా యూత్ నేషనల్ గేమ్స్‌లో పాల్గొనేందుకు నల్లగొండ జిల్లా క్రీడాకారులు ఎంపికయ్యారు. థాంగ్-టా క్రీడాంశంలో జిల్లాకు చెందిన కె.సూర్య వర్ధన్‌రెడ్డి (బాలురు), పి.చందన (బాలికలు) అండర్-60 కేజీల విభాగంలో ప్రాతినిధ్యం వహించనున్నట్లు జిల్లా థాంగ్-టా అసోసియేషన్ అధ్యక్ష, కార్యదర్శులు మునుకుంట్ల రాజేష్‌రెడ్డి, అంబటి ప్రణీత్ తెలిపారు.

​జాతీయ స్థాయిలో నల్లగొండ ఆటగాళ్లకు అవకాశం కల్పించిన రాష్ట్ర అసోసియేషన్ అధ్యక్షుడు తాడెం రవి, ప్రధాన కార్యదర్శి రాజులకు వారు ధన్యవాదాలు తెలిపారు. క్రీడాకారులు జాతీయ స్థాయిలో ఉత్తమ ప్రతిభ కనబరిచి జిల్లాతో పాటు రాష్ట్రానికి పతకాలు తీసుకురావాలని ఆకాంక్షించారు. ఈ కార్యక్రమంలో కోశాధికారి కందుల సంపత్ కుమార్ తదితరులు పాల్గొన్నారు.