Nalgonda: నల్గొండ జిల్లాలో రేపు విద్యాసంస్థలకు సెలవు!

Nalgonda: రేపు నల్గొండ జిల్లాలోని విద్యాసంస్థలన్నింటికీ ప్రభుత్వం స్థానిక సెలవు ప్రకటించింది.గణేష్ నిమజ్జనోత్సవం సందర్భంగా రేపు (బుధవారం) జిల్లావ్యాప్తంగా ఉన్న అన్ని ప్రభుత్వ, ప్రైవేట్ పాఠశాలలు, కళాశాలలకు సెలవు ఇస్తూ కలెక్టర్ బి. చంద్రశేఖర్ ఉత్తర్వులు జారీ చేశారు.​

నిమజ్జనం వేళ రహదారులపై భారీగా ట్రాఫిక్ రద్దీ ఏర్పడే అవకాశం ఉండటంతో, విద్యార్థుల భద్రతను దృష్టిలో ఉంచుకుని ఈ నిర్ణయం తీసుకున్నట్లు అధికారిక ప్రకటనలో తెలిపారు.ఇక ఈ సెలవుకు బదులుగా వచ్చే నెల 10వ తేదీన (రెండవ శనివారం) విద్యాసంస్థలు వర్కింగ్ డేగా పనిచేస్తాయని స్పష్టం చేశారు. కలెక్టర్ ఉత్తర్వులను అధికారులు, యాజమాన్యాలు కచ్చితంగా పాటించాలని సూచించారు.