Nalgonda: సోషల్ వెల్ఫేర్ జోనల్ ఆఫీస్‌లో అధికారుల నిర్లక్ష్యం

నల్గొండ: పాలనపై నిర్లక్ష్యం.. జవాబుదారీతనం ఏదీ?

​ఉదయం 10:30 గంటలు దాటినా తలుపులు తెరుచుకోని తెలంగాణ సోషల్ వెల్ఫేర్ రెసిడెన్షియల్ జోనల్ కార్యాలయ దుస్థితి ప్రభుత్వ ఉద్యోగుల నిర్లక్ష్యానికి అద్దం పడుతోంది.

​పనుల నిమిత్తం సుదూర ప్రాంతాల నుంచి వచ్చే సామాన్య ప్రజలు, విద్యార్థుల తల్లిదండ్రులు కార్యాలయం వద్ద గంటల తరబడి వేచి చూడాల్సిన పరిస్థితి ఏర్పడుతోంది. జిల్లా అధికారులు, కలెక్టర్లు, జేసీల పర్యవేక్షణ లోపించడమే ఈ అవ్యవస్థకు ప్రధాన కారణమనే విమర్శలు వ్యక్తమవుతున్నాయి.

ప్రభుత్వ సమయపాలన పట్ల బాధ్యత లేకుండా, ఉన్నతాధికారుల భయం కూడా లేకుండా వ్యవహరిస్తున్న ఇటువంటి అధికారులపై కఠిన చర్యలు తీసుకోవాలని ప్రజలు డిమాండ్ చేస్తున్నారు.