Gauripally: ఇంటింటికి మొక్కల పంపిణీ: ఘనంగా హరితహారం కార్యక్రమం

గౌరిపల్లి గ్రామ పంచాయతీలో ఇంటింటికి మొక్కలు పంపిణీ

రంగారెడ్డి జిల్లా తలకొండపల్లి మండలం

గౌరిపల్లి గ్రామం ఆగస్టు 4 : హరితహారం కార్యక్రమంలో భాగంగా ఈరోజు గౌరిపల్లి, గౌరిపల్లితండా లో మొక్కల పంపిణీ కార్యక్రమాన్ని ఘనంగా నిర్వహించారు.

ఈ సందర్భంగా గ్రామ సర్పంచ్ కళ్యాణ్ నాయక్ మరియు ఉపసర్పంచ్ రమేష్ యాదవ్ గ్రామంలోని ప్రతి ఇంటికి వెళ్లి మొక్కలను పంపిణీ చేశారు. ప్రతి కుటుంబం కనీసం ఒక మొక్కను నాటి, దానిని సంరక్షించి గ్రామాన్ని పచ్చదనంతో నింపాలని గ్రామ ప్రజలకు పిలుపునిచ్చారు.

ఈ కార్యక్రమంలో గ్రామ కార్యదర్శి అరుణజ్యోతి,మాజీ సర్పంచ్ నరేందర్ గౌడ్, వార్డు సభ్యులు, గ్రామ పెద్దలు మరియు గ్రామస్తులు పాల్గొని మొక్కల పంపిణీలో భాగస్వాములయ్యారు. గ్రామ ప్రజలు కూడా ఉత్సాహంగా పాల్గొని హరితహారం కార్యక్రమాన్ని విజయవంతం చేశారు.