Commonwealth Games 2026: కామన్వెల్త్‌లో భారత్‌కు తొలి రజతం.. రికార్డుతో రిషికాంత్ సింగ్ అదుర్స్.!

Commonwealth Games 2026: ప్రతిష్టాత్మక కామన్వెల్త్ గేమ్స్ వెయిట్‌లిఫ్టింగ్ పోటీల్లో భారత్‌కు శుభారంభం లభించింది. పురుషుల 60 కేజీల కేటగిరీలో భారత ప్రతిభావంతుడైన వెయిట్‌లిఫ్టర్ రిషికాంత్ సింగ్ అత్యుత్తమ ప్రదర్శనతో అదరగొట్టి దేశానికి తొలి రజత పతకాన్ని (Silver Medal) అందించాడు. పోటీ ఆరంభం నుంచే పతక పోరులో తనదైన ఆధిపత్యాన్ని ప్రదర్శించిన రిషికాంత్, బార్‌బెల్‌ను అత్యంత నైపుణ్యంతో ఎత్తుతూ ప్రత్యర్థులకు గట్టి పోటీ ఇచ్చాడు. స్నాచ్ , క్లీన్ అండ్ జెర్క్ విభాగాల్లో అద్భుతమైన సమతుల్యతను ప్రదర్శిస్తూ, 60 కేజీల విభాగంలో ఆల్ టైమ్ కొత్త వెయిట్‌లిఫ్టింగ్ రికార్డును నెలకొల్పాడు. అతని ఈ ఆల్-రౌండ్ ప్రదర్శనతో భారత పతకాల పట్టికలో తొలి రజత పతకం అధికారికంగా చేరింది.

ఈ చారిత్రాత్మక విజయం వెనుక రిషికాంత్ సింగ్ పడ్డ కఠిన శ్రమ, పట్టుదల స్పష్టంగా కనిపిస్తున్నాయి. అంతర్జాతీయ స్థాయిలో లభించిన ఈ వేదికపై ఒత్తిడికి లోనుకాకుండా, సరైన వ్యూహంతో ముందుకు సాగి సరికొత్త రికార్డుతో పతకాన్ని గెలుచుకోవడం పట్ల దేశవ్యాప్తంగా హర్షం వ్యక్తమవుతోంది. కామన్వెల్త్ క్రీడల్లో భారత పతకాల బోణీని పసిడికి సరిసమానమైన రజతంతో ప్రారంభించిన రిషికాంత్ సింగ్‌ను పలువురు క్రీడా ప్రముఖులు, మంత్రులు , అభిమానులు అభినందనల్లో ముంచెత్తుతున్నారు. ఈ విజయం కామన్వెల్త్ పోటీల్లో పాల్గొంటున్న మిగిలిన భారత అథ్లెట్లకు కూడా కొండంత ఉత్సాహాన్ని , స్ఫూర్తిని నింపుతోంది.