Viral Video : జంతర్ మంతర్లో వైరల్ మూమెంట్.. జవాన్లకు ప్రేమగా పిజ్జా
Viral Video : దేశ రాజధాని ఢిల్లీలోని జంతర్ మంతర్ వద్ద 'కాకరోచ్ జనతా పార్టీ' (CJP) ఆధ్వర్యంలో జరుగుతున్న ఆందోళనల ప్రాంతంలో ఒక ఆసక్తికరమైన, ఎమోషనల్
viral-video
Viral Video : దేశ రాజధాని ఢిల్లీలోని జంతర్ మంతర్ వద్ద 'కాకరోచ్ జనతా పార్టీ' (CJP) ఆధ్వర్యంలో జరుగుతున్న ఆందోళనల ప్రాంతంలో ఒక ఆసక్తికరమైన, ఎమోషనల్ సన్నివేశం చోటుచేసుకుంది. దేశవ్యాప్తంగా పరీక్షల నిర్వహణలో చోటుచేసుకుంటున్న అక్రమాలు, పేపర్ లీక్లు , విద్యా వ్యవస్థలో తీసుకురావాల్సిన సంస్కరణల కోసం విద్యార్థులు, వారి మద్దతుదారులు పెద్ద ఎత్తున రోడ్లపైకి వచ్చి నిరసన తెలుపుతున్నారు. దీంతో ఎప్పుడేం జరుగుతుందోనన్న తీవ్ర ఉద్రిక్త వాతావరణం అక్కడ నెలకొంది. అయితే, అంతటి క్లిష్ట పరిస్థితుల్లో కూడా ఒక యువకుడు భద్రతా బలగాల పట్ల చూపించిన కనీస మానవత్వం, ప్రేమ ప్రస్తుతం సోషల్ మీడియాలో నెటిజన్ల మనసులను గెలుచుకుంటోంది.
'సార్.. పిజ్జా తినండి ప్లీజ్' - రక్షణ సిబ్బందికి ఆత్మీయ ఆహ్వానం
ఆందోళన ప్రాంతంలో ఎటువంటి అవాంఛనీయ సంఘటనలు జరగకుండా బారీ కేడ్లు ఏర్పాటు చేసి, గట్టి బందోబస్తు మధ్య విధులు నిర్వహిస్తున్న ర్యాపిడ్ యాక్షన్ ఫోర్స్ (RAF) సిబ్బంది వద్దకు ఒక యువకుడు పెద్ద పిజ్జా బాక్స్తో నడుచుకుంటూ వెళ్లాడు. పోలీసులతో గొడవ పడటానికి లేదా వారిపై ఆగ్రహం వ్యక్తం చేయడానికి బదులుగా, రహదారి పక్కన అలసిపోయి కూర్చుని ఉన్న భద్రతా సిబ్బందికి ఎంతో ఆప్యాయంగా పిజ్జా ముక్కలను అందించడం ప్రారంభించాడు. "సార్ దయచేసి తినండి, అంతా మంచిదే జరుగుతుంది" అంటూ ఒక్కొక్క అధికారి దగ్గరకు వెళ్తూ వారిని పిజ్జా తీసుకోవాల్సిందిగా కోరాడు. నితేష్ కుమార్ తివారీ అనే వ్యక్తి ఈ దృశ్యాన్ని తన ఫోన్లో వీడియో తీసి ఇన్స్టాగ్రామ్లో పోస్ట్ చేయడంతో ఈ సంఘటన వెలుగులోకి వచ్చింది.
యూనిఫామ్పై గౌరవం.. జంతర్ మంతర్ వద్ద వెల్లువెత్తిన మద్దతు
ఈ వీడియోను సోషల్ మీడియాలో పంచుకుంటూ, "మాకు పోలీసుల యూనిఫామ్ అంటే ఎంతో గౌరవం ఉంది. కానీ సివిల్ దుస్తుల్లో వచ్చి తమపై దాడులు చేసే వారిని మాత్రం వదిలిపెట్టం. దయచేసి పోలీసులు ప్రజలను, విద్యార్థులను కొట్టకండి" అని తివారీ శీర్షికగా రాసుకొచ్చారు. ప్రస్తుతం జంతర్ మంతర్ వద్ద ఆందోళన చేస్తున్న విద్యార్థులకు దేశం నలుమూలల నుంచి అనూహ్య మద్దతు లభిస్తోంది. దేశంలోని వివిధ ప్రాంతాల నుంచి ప్రజలు జొమాటో, స్విగ్గీ వంటి యాప్ల ద్వారా నేరుగా ధర్నా చౌక్కే ఆహారం, నీళ్ల సీసాలు, ఇతర నిత్యావసరాలను ఆర్డర్ చేసి పంపుతూ తమ సంఘీభావాన్ని తెలుపుతున్నారు. అదే స్ఫూర్తితో ఈ యువకుడు ఆందోళన చేస్తున్న విద్యార్థులకే కాకుండా, తమకు ఎదురుగా విధుల్లో ఉన్న సెక్యూరిటీ సిబ్బందికి కూడా అదే ప్రేమతో పిజ్జాలు పంచడం అందరినీ ఆకట్టుకుంది.
సోషల్ మీడియాలో నెటిజన్ల ప్రశంసలు
ఈ వీడియో వైరల్ కావడంతో నెటిజన్లు సదరు యువకుడి ఉదారతపై ప్రశంసల వర్షం కురిపిస్తున్నారు. ఆందోళనలు, నిరసనలు, సిద్ధాంతపరమైన అభిప్రాయ భేదాలు ఎన్ని ఉన్నప్పటికీ మనుషుల మధ్య ఉండాల్సిన కనీస మానవత్వం, గౌరవం తగ్గలేదని నిరూపించడానికి ఈ ఘటనే ప్రత్యక్ష నిదర్శనమని కామెంట్లు చేస్తున్నారు. భద్రతా సిబ్బంది కూడా తమ పైఅధికారుల ఆదేశాల మేరకే విధులను నిర్వర్తిస్తుంటారని, వారిపట్ల శత్రుత్వం వహించకుండా ఇలాంటి చిన్న చిన్న ఆప్యాయతలను పంచడం వల్ల ఉద్రిక్త వాతావరణంలో ఇరువర్గాల మధ్య ప్రశాంతత, నమ్మకం పెరుగుతాయని సోషల్ మీడియా వేదికగా విశ్లేషకులు అభిప్రాయపడుతున్నారు.
G Krishna
అక్షరంతో మొదలైన ప్రయాణం.. అంకెల్లో చెప్పాలంటే పదేళ్ల అనుభవం..! 2015లో కెరీర్ స్టార్ట్ చేసి, ప్రింట్ మీడియా నుంచి డిజిటల్ విప్లవం వరకు అన్నిటినీ దగ్గరగా చూశాను. అంతర్జాతీయ పరిణామాల నుంచి దేశ రాజధాని రాజకీయాల వరకు, గల్లీ స్థాయి వార్తల నుంచి ఢిల్లీ స్థాయి విశ్లేషణల వరకు ప్రతి అంశాన్ని లోతుగా అధ్యయనం చేస్తూ కథనాలు అందించాను. టెక్నాలజీ స్పీడ్, బిజినెస్ లెక్కలైనా, ఆస్ట్రాలజీ విశ్లేషణ ఏదైనా.. నా నుంచి వచ్చే ప్రతి కథనం ప్రతి వార్త పాఠకుడికి ఇన్ఫర్మేషన్తో పాటు ఇంట్రెస్ట్ను కూడా అందిస్తుంది.