Rahul Gandhi: రాహుల్ గాంధీకి తప్పిన ప్రమాదం.. పూర్వాంచల్ ఎక్స్‌ప్రెస్‌వేపై వాహనాలు ఢీ
Rahul Gandhi: కాంగ్రెస్ నేత రాహుల్ గాంధీకి త్రుటిలో పెను ప్రమాదం తప్పింది. ఉత్తరప్రదేశ్ పూర్వాంచల్ ఎక్స్‌ప్రెస్ వేపై ఆయన కాన్వాయ్‌లోని పలు వాహనాలు ఒకదానినొకటి ఢీకొన్నాయి.
Rahul Gandhi: రాహుల్ గాంధీకి తప్పిన ప్రమాదం.. పూర్వాంచల్ ఎక్స్‌ప్రెస్‌వేపై వాహనాలు ఢీ
Rahul Gandhi: కాంగ్రెస్ అగ్రనేత, లోక్‌సభ ప్రతిపక్ష నేత రాహుల్ గాంధీకి త్రుటిలో పెను ప్రమాదం తప్పింది. ఉత్తరప్రదేశ్‌లో ఆయన కాన్వాయ్ ఘోర ప్రమాదానికి గురైంది. సుల్తాన్‌పూర్‌లోని ఒక కోర్టులో నడుస్తున్న కేసు విచారణ నిమిత్తం ఆయన రోడ్డు మార్గాన వెళ్తుండగా.. పూర్వాంచల్ ఎక్స్‌ప్రెస్‌వేపై ఈ అనూహ్య ఘటన చోటుచేసుకుంది.
సుల్తాన్‌పూర్ వైపు కాన్వాయ్ వేగంగా వెళ్తున్న సమయంలో వాహనాలు ఒక్కసారిగా బ్రేక్ వేయడంతో ప్రమాదం జరిగినట్లు తెలుస్తోంది. ఈ క్రమంలో కాన్వాయ్‌లోని ఐదు వాహనాలతో పాటు ఒక అంబులెన్స్‌ ఒకదానినొకటి వెనుక నుంచి బలంగా ఢీకొన్నాయి.
ఈ ప్రమాదంలో పలువురు కాంగ్రెస్ కార్యకర్తలు, భద్రతా సిబ్బందికి గాయాలయ్యాయి. వెంటనే అప్రమత్తమైన ఇతర సిబ్బంది గాయపడిన వారిని స్థానిక ఆసుపత్రికి తరలించారు. రాహుల్ గాంధీకి ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు. ఈ ఘటనపై పోలీసులు కేసు నమోదు చేసుకుని ప్రమాదానికి గల పూర్తి కారణాలపై దర్యాప్తు జరుపుతున్నారు.
Arun Chilukuri
వెబ్ జర్నలిస్ట్ గా నా కెరీర్ HMTV ద్వారా పదేళ్ల క్రితం ప్రారంభం అయింది. పదేళ్లుగా HMTV లోనే వెబ్సైట్ కు ఆర్టికల్స్ రాస్తున్నాను. దాదాపుగా అన్ని కేటగిరీల్లోనూ ముఖ్యంగా తెలంగాణ, ఆంధ్రప్రదేశ్ రాష్ట్రాల వార్తలతో పాటు వివిధ కేటగిరీల్లో అవసరాన్ని బట్టి ఆర్టికల్స్, బ్రేకింగ్ న్యూస్ ను ఇవ్వడం చేస్తున్నాను.
