Sibling-Relation: అన్నాచెల్లెళ్ల బంధానికి మచ్చ.. సభ్యసమాజం తలదించుకునేలా..!

Sibling-Relation Marriage: మనుషుల మధ్య బంధాలు, అనురాగాలు ఉండటం సహజం. కానీ, ఆ బంధం మచ్చలేనిదై ఉండాలి. సమాజం గౌరవించేలా ఉండాలి. కానీ, కర్ణాటకలోని బెంగళూరు రూరల్ జిల్లాలో జరిగిన ఒక వివాహం ఇప్పుడు అందరినీ విస్మయానికి గురిచేస్తోంది. వరుసకు అక్కాతమ్ములయ్యే ఇద్దరు యువతీ యువకులు, పెద్దలను ఎదిరించి పెళ్లి చేసుకోవడం రాష్ట్రవ్యాప్తంగా కలకలం రేపుతోంది.

బంధుత్వం నుంచి ప్రేమ వరకు..

దేవనహళ్లికి చెందిన శశికళ, హోసకోటలో నివసించే ఆమె పెద్దమ్మ కుమారుడు ప్రవీణ్ చిన్నప్పటి నుంచీ సన్నిహితంగా ఉండేవారు. వీరిద్దరి తల్లులు సొంత అక్కాచెల్లెళ్లు కావడంతో వీరిది అత్యంత దగ్గరి రక్తసంబంధం. అయితే, ఈ బంధుత్వం కాస్తా కాలక్రమేణా ప్రేమగా మారింది. వరుసకు అక్కాతమ్ముళ్లమని కూడా చూడకుండా ఇద్దరూ పెళ్లి చేసుకోవాలని నిర్ణయించుకున్నారు.

పెళ్లి పీటల దాకా వచ్చి..

శశికళ ప్రేమ విషయం తెలుసుకున్న తల్లిదండ్రులు తీవ్రంగా మందలించారు. రక్తసంబంధీకుల మధ్య పెళ్లి అనేది సమాజంలో తలవంపులు తెస్తుందని భావించిన వారు, ఆమెకు మరో సంబంధం నిశ్చయించారు. వివాహానికి అంతా సిద్ధమై, శుభలేఖలు కూడా పంచేశారు. అయితే, తన తమ్ముడినే పెళ్లి చేసుకోవాలని నిశ్చయించుకున్న శశికళ, సరిగ్గా పెళ్లికి కొద్దిరోజుల ముందు ఇంట్లో నుంచి మాయమైంది. ఇంటి నుంచి పారిపోయిన ఈ జంట, స్థానిక అంగట్ట ప్రాంతంలోని ఒక శివాలయంలో రహస్యంగా పెళ్లి చేసుకున్నారు. వివాహం తర్వాత తమ కుటుంబ సభ్యుల నుంచి ప్రాణహాని ఉందని భావించిన శశికళ-ప్రవీణ్, నేరుగా చిక్కబళ్లాపూర్ జిల్లా ఎస్పీ కార్యాలయానికి చేరుకున్నారు. మేము ఒకరినొకరు మనస్ఫూర్తిగా ఇష్టపడి పెళ్లి చేసుకున్నాం. మా పెద్దల నుంచి మాకు ప్రాణ ముప్పు ఉంది. దయచేసి మాకు రక్షణ కల్పించండి అని వారు పోలీసులను వేడుకున్నారు.

ఆగ్రహంతో కుటుంబ సభ్యులు

విషయం తెలుసుకున్న ఇరు కుటుంబాల వారు హతాశులయ్యారు. కన్న కూతురే తమ్ముడిని పెళ్లి చేసుకోవడం, అదీ సొంత చెల్లెలి కొడుకును వివాహం చేసుకోవడంపై శశికళ తల్లిదండ్రులు తీవ్ర ఆవేదన వ్యక్తం చేస్తున్నారు. పోలీసులు ప్రస్తుతం ఇరు కుటుంబాలను పిలిపించి కౌన్సెలింగ్ ఇస్తున్నారు. ప్రేమకు హద్దులు లేవని కొందరు అంటున్నా, రక్తసంబంధాల మధ్య ఇలాంటి వివాహాలు సామాజిక విలువలపై దాడి చేయడమేనని స్థానికులు చర్చించుకుంటున్నారు.