Madhya pradesh: జాతీయ వేదికపై సింగరేణి కార్మికుల సమస్యలు వినిపించిన INTUC
Madhya pradesh: మధ్యప్రదేశ్లో INMF 33వ ఫెడరేషన్ కాన్ఫరెన్స్లో సింగరేణి కార్మికుల సమస్యలను వినిపించిన INTUC నేతలు; నూతన నాయకత్వం ఏకగ్రీవ ఎన్నిక.
Madhya pradesh: జాతీయ వేదికపై సింగరేణి కార్మికుల సమస్యలు వినిపించిన INTUC
మధ్యప్రదేశ్: మధ్యప్రదేశ్లో నవంబర్ 21, 22 తేదీలలో జరుగుతున్న INMF (INTUC) 33వ ఫెడరేషన్ కాన్ఫరెన్స్లో సింగరేణి కోల్ మైన్స్ లేబర్ యూనియన్ (INTUC) తరఫున సీనియర్ వైస్ ప్రెసిడెంట్ , జనరల్ సెక్రటరీ పాల్గొని ప్రసంగించారు. సింగరేణి సంస్థలో కార్మికులు ఎదుర్కొంటున్న సమస్యలు, హక్కులు, సంక్షేమం, భవిష్యత్ సవాళ్లపై తమ అభిప్రాయాలను జాతీయ స్థాయి నాయకుల ముందు వివరించారు.
ఈ సందర్భంగా JBCCI (Joint Bipartite Committee for the Coal Industry)లో INTUC మరియు INMF తరఫున ప్రాతినిధ్యం, బొగ్గు పరిశ్రమలో కార్మికుల హక్కుల పరిరక్షణ, వేతన ఒప్పందాలు, కాంట్రాక్ట్ కార్మికుల సంక్షేమం, ఉద్యోగ భద్రత తదితర అంశాలపై చర్చించారు.
ముఖ్యంగా సింగరేణిలో కాంట్రాక్ట్ కార్మికులకు లాభాల వాటా బోనస్ అందించడంలో INTUC చేసిన కృషి, కార్మికుల సమస్యల పరిష్కారానికి యూనియన్ చేపడుతున్న పోరాటాలు, భవిష్యత్తులో సాధించాల్సిన లక్ష్యాలను ఈ జాతీయ వేదికపై ప్రస్తావించారు.
దేశవ్యాప్తంగా ఉన్న బొగ్గు పరిశ్రమల కార్మిక సంఘాల నాయకులతో అభిప్రాయాలను పంచుకుంటూ, సింగరేణి కార్మికుల సమస్యలను జాతీయ స్థాయిలో ప్రతిధ్వనింపజేయడంలో ఈ కాన్ఫరెన్స్ కీలక పాత్ర పోషిస్తుందని నాయకులు పేర్కొన్నారు.
కార్మికుల హక్కుల పరిరక్షణ, సంక్షేమం, మెరుగైన పని పరిస్థితుల సాధన కోసం INTUC ఎల్లప్పుడూ ముందుండి పోరాడుతుందని, సింగరేణి కార్మికుల గొంతుకను జాతీయ స్థాయిలో వినిపిస్తామని వారు స్పష్టం చేశారు.
ఈ సమావేశానికి సింగరేణి కోల్ మైన్స్ లేబర్ యూనియన్ (INTUC) తరఫున సీనియర్ వైస్ ప్రెసిడెంట్ శ్రీ త్యాగరాజన్ , జనరల్ సెక్రటరీ శ్రీ వికాస్ కుమార్ యాదవ్ పాల్గొన్నారు.
ఈ కాన్ఫరెన్స్కు దేశవ్యాప్తంగా కోల్ ఇండియా మరియు వివిధ బొగ్గు గనుల పరిశ్రమలకు చెందిన సుమారు 300 మంది ప్రతినిధులు హాజరై, బొగ్గు గనుల కార్మికులు ఎదుర్కొంటున్న సమస్యలు, హక్కులు, సంక్షేమం, భవిష్యత్ కార్యాచరణ తదితర అంశాలపై విస్తృతంగా చర్చించారు. అనంతరం రెండవ రోజు నిర్వహించిన ఫెడరేషన్ ఎన్నికల్లో నూతన నాయకత్వం ఏకగ్రీవంగా ఎన్నికైంది.
ఎన్నికైన నూతన నాయకత్వం:
* ప్రెసిడెంట్: శ్రీ కుమార్ జయమంగళ్ (అనూప్ సింగ్) – వరుసగా మూడోసారి ఎన్నిక.
* సెక్రటరీ జనరల్: శ్రీ SQ జామ.
* సీనియర్ వైస్ ప్రెసిడెంట్: డా. బి. జనక్ ప్రసాద్ – ఏకగ్రీవంగా ఎన్నిక.
INMF ఫెడరేషన్ సీనియర్ వైస్ ప్రెసిడెంట్గా ఏకగ్రీవంగా ఎన్నికైన డా. శ్రీ బి. జనక్ ప్రసాద్ గారికి సింగరేణి కోల్ మైన్స్ లేబర్ యూనియన్ (INTUC) నాయకులు, ప్రతినిధులు మరియు సింగరేణి కార్మికులు హర్షం వ్యక్తం చేస్తూ హృదయపూర్వక శుభాకాంక్షలు తెలియజేశారు.




