Tamil Nadu: సీఎం విజయ్ కీలక నిర్ణయం.. పెరంబూర్ ఎమ్మెల్యేగానే కొనసాగింపు!

Tamil Nadu: తమిళనాడు నూతన ముఖ్యమంత్రి, టీవీకే అధినేత విజయ్ తన శాసనసభ్యత్వానికి సంబంధించి కీలక నిర్ణయం తీసుకున్నారు. ఏప్రిల్‌లో జరిగిన అసెంబ్లీ ఎన్నికల్లో రెండు నియోజకవర్గాల నుంచి పోటీ చేసి ఘనవిజయం సాధించిన ఆయన, తాజాగా ఒక స్థానాన్ని వదులుకున్నారు.

ఎన్నికల్లో విజయ్ పెరంబూర్ మరియు తిరుచ్చి ఈస్ట్ నియోజకవర్గాల నుంచి బరిలోకి దిగి రెండింటిలోనూ భారీ మెజారిటీతో విజయం సాధించారు. అయితే, ప్రజాప్రాతినిధ్య చట్టం ప్రకారం ఒక వ్యక్తి ఒకేసారి రెండు స్థానాల్లో ఎమ్మెల్యేగా కొనసాగే అవకాశం లేకపోవడంతో, ఆయన తిరుచ్చి ఈస్ట్ స్థానానికి రాజీనామా చేశారు. ఇకపై పెరంబూర్ నియోజకవర్గ ప్రతినిధిగానే ఆయన అసెంబ్లీలో కొనసాగనున్నారు.

తమిళనాడు రాజకీయ చరిత్రలో ఏకకాలంలో రెండు నియోజకవర్గాల నుంచి పోటీ చేసి గెలుపొందడం అనేది అరుదైన విషయం. గతంలో అన్నాడీఎంకే అధినేత్రి, దివంగత ముఖ్యమంత్రి జయలలిత ఈ ఘనత సాధించగా, మళ్లీ ఇన్నాళ్లకు విజయ్ ఆ రికార్డును సమం చేశారు.

ముఖ్యమంత్రిగా బాధ్యతలు చేపట్టిన విజయ్, పాలనపై దృష్టి సారిస్తూనే తన రాజకీయ పునాదిని బలోపేతం చేసుకునే దిశగా అడుగులు వేస్తున్నారు. తిరుచ్చి ఈస్ట్ స్థానానికి త్వరలోనే ఉప ఎన్నిక జరగనుంది.