Viral Video: ఆసుపత్రిలో నిద్రిస్తున్న మహిళపై వేధింపులు.. చెంప చెళ్లుమనిపించడంతో పరార్!
Viral Video: కర్ణాటక హావేరి ప్రభుత్వ ఆసుపత్రిలో నిద్రిస్తున్న మహిళను వ్యక్తి వేధించాడు. ఆమె ప్రతిఘటించడంతో పారిపోయాడు. సీసీటీవీలో ఘటన రికార్డ్.
Viral Video: ఆసుపత్రిలో నిద్రిస్తున్న మహిళపై వేధింపులు.. చెంప చెళ్లుమనిపించడంతో పరార్!
Viral Video: ప్రభుత్వ ఆసుపత్రిలో మహిళలకు భద్రత లేకుండా పోతోందనే ఆందోళన కలిగించే ఘటన కర్ణాటకలో చోటుచేసుకుంది. ఆసుపత్రి వార్డులో రోగికి సహాయకురాలిగా వచ్చిన ఓ మహిళ నేలపై నిద్రిస్తుండగా, ఓ వ్యక్తి ఆమెను లైంగికంగా వేధించాడు. అర్ధరాత్రి సమయంలో ఆమె దుప్పటిలోకి చొరబడి అసభ్యంగా ప్రవర్తించాడు. అయితే వెంటనే మేల్కొన్న మహిళ ధైర్యంగా అతడిని ప్రతిఘటించి చెంపపై కొట్టింది. దీంతో అప్రమత్తమైన ఇతరులు అతడిని పట్టుకునేందుకు ప్రయత్నించగా నిందితుడు అక్కడి నుంచి పరారయ్యాడు.
తెల్లవారుజామున 2 గంటలకు ఘటన
వివరాల్లోకి వెళ్తే.. కర్ణాటకలోని హావేరి జిల్లా ప్రభుత్వ ఆసుపత్రిలో ఈ ఘటన జరిగింది. ఆసుపత్రి వార్డులో చికిత్స పొందుతున్న ఓ రోగికి సహాయంగా వచ్చిన మహిళ రాత్రి సమయంలో నేలపై నిద్రిస్తోంది. ఈ క్రమంలో శుక్రవారం తెల్లవారుజామున సుమారు 2 గంటల సమయంలో ఓ వ్యక్తి వార్డులోకి ప్రవేశించాడు.
నేలపై నిద్రిస్తున్న మహిళ దుప్పటిలోకి చొరబడి ఆమె పట్ల అసభ్యంగా ప్రవర్తించాడు. దీంతో ఒక్కసారిగా మేల్కొన్న బాధితురాలు గట్టిగా కేకలు వేస్తూ అతడిని ప్రతిఘటించింది. అంతేకాకుండా అతడి చెంపపై కొట్టింది. ఆమె అరుపులు విని వార్డులో నిద్రిస్తున్న ఇతరులు కూడా మేల్కొన్నారు.
పట్టుకునేందుకు ప్రయత్నించగా పరార్
మహిళపై వేధింపులకు పాల్పడిన వ్యక్తిని అక్కడున్న వారు నిలదీశారు. అతడిని పట్టుకునేందుకు ప్రయత్నించగా, వారిని తోసేసి అక్కడి నుంచి పారిపోయాడు. ఈ ఘటనకు సంబంధించిన దృశ్యాలు ఆసుపత్రిలోని సీసీటీవీ కెమెరాల్లో రికార్డయ్యాయి. ప్రస్తుతం ఈ వీడియో సోషల్ మీడియాలో వైరల్గా మారింది.
ఆసుపత్రిలో వరుస చోరీలపై అనుమానాలు
ఇదిలా ఉండగా.. ఇదే ఆసుపత్రిలో గత వారం పది మొబైల్ ఫోన్లు చోరీకి గురైనట్లు సమాచారం. మహిళపై వేధింపులకు పాల్పడిన వ్యక్తే ఆ ఫోన్లను కూడా దొంగిలించి ఉంటాడనే అనుమానాలు వ్యక్తమవుతున్నాయి. దీంతో ఆసుపత్రిలో భద్రతా ఏర్పాట్లపై రోగులు, వారి కుటుంబ సభ్యులు ఆందోళన వ్యక్తం చేస్తున్నారు.
సీసీటీవీ ఆధారంగా పోలీసుల దర్యాప్తు
ఈ ఘటనపై పోలీసులు దర్యాప్తు చేపట్టారు. సీసీటీవీ ఫుటేజీని పరిశీలిస్తూ నిందితుడిని గుర్తించేందుకు ప్రయత్నిస్తున్నారు. ప్రభుత్వ ఆసుపత్రిలోనే ఇలాంటి ఘటన జరగడంపై రోగులు, వారి బంధువులు ఆగ్రహం వ్యక్తం చేస్తున్నారు. నిందితుడిని వెంటనే గుర్తించి కఠిన చర్యలు తీసుకోవాలని డిమాండ్ చేస్తున్నారు.




