Nellore: బూదనం గ్రామంలో పోలీసుల మెరుపు దాడి.. 14 బైకులు సీజ్, 27 మంది గుర్తింపు!

నెల్లూరు జిల్లా: ​చిల్లకూరు మండలం బూదనం గ్రామంలో పోలీసులు ముమ్మరంగా కార్డన్ సెర్చ్ నిర్వహించారు. ఈ ఆపరేషన్‌లో భాగంగా సరైన పత్రాలు లేని 14 ద్విచక్ర వాహనాలను పోలీసులు స్వాధీనం చేసుకున్నారు. అలాగే గ్రామంలో ఉంటున్న ఇతర రాష్ట్రాలకు చెందిన 27 మంది వ్యక్తుల వేలిముద్రలను సేకరించి పరిశీలించారు. ఈ సందర్భంగా గూడూరు రూరల్ సీఐ కిషోర్ బాబు , ఎస్సై సురేష్ బాబు అక్కడి గ్రామస్తులతో ప్రత్యేకంగా సమావేశమై, నేరాల నియంత్రణ మరియు ముందస్తు రక్షణ చర్యలపై అవగాహన సదస్సు నిర్వహించారు. అనుమానాస్పద వ్యక్తులు కనిపిస్తే పోలీసులకు సమాచారం అందించాలని, శాంతిభద్రతల పరిరక్షణకు ప్రతి ఒక్కరూ సహకరించాలని వారు కోరారు.