Armoor: ఆర్మూర్‌లో వేసవి క్రికెట్ జోష్.. క్రీడాకారులకు కిట్లు అందజేత!

ఆర్మూర్: పట్టణ సెయింట్ పాల్స్ హై స్కూల్‌లో నిర్వహిస్తున్న ఉచిత వేసవి క్రికెట్ శిబిరాన్ని హైదరాబాద్, నిజామాబాద్ అసోసియేషన్ అధికారులు సందర్శించి యువ క్రీడాకారులను ప్రోత్సహించారు. శిబిరానికి మద్దతుగా, ఔత్సాహిక క్రికెటర్లను ప్రేరేపించేందుకు వారు క్రికెట్ పరికరాలు, కిట్లను ఉదారంగా అందజేశారు. శిబిర నిర్వాహకులు శ్రీ ఎనాక్ పాల్ గారు, యువ క్రీడా ప్రతిభను పెంపొందించడంలో వారి ప్రోత్సాహం, మద్దతు మరియు విలువైన సహకారం అందించినందుకు అతిథులకు హృదయపూర్వక కృతజ్ఞతలు తెలిపారు.

ఈ కార్యక్రమంలో హైదరాబాద్ అండ్ నిజామాబాద్ అసోసియేషన్ అధికారులు కార్యదర్శి వెంకటరెడ్డి, కోశాధికారి శ్రీనివాసరావు, సంయుక్త కార్యదర్శి సురేష్ , శిబిరo నిర్వాహకులు సెంట్ పాల్ హై స్కూల్ హైస్కూల్ యజమాన్యం ఎనాక్ పాల్, పి. టి.కిషోర్, క్రీడాకారులు తదితరులు పాల్గొన్నారు.