Kanigiri: 29వ వార్డు అభివృద్ధికి సీపీఎంను గెలిపించండి కేశవరావు!

కనిగిరి: కనిగిరి మున్సిపాలిటీ 29వ వార్డులో సీపీఎం అభ్యర్థి పోలిచర్ల కేశవరావు ఎన్నికల ప్రచారాన్ని ముమ్మరం చేశారు. సోమవారం సాయంత్రం వార్డులో విస్తృతంగా పర్యటిస్తూ ఇంటింటికీ వెళ్లి ఓటర్లను కలుసుకున్నారు. ప్రజాస్వామ్య పరిరక్షణకు, ప్రజా సమస్యల పరిష్కారానికి నిరంతరం పోరాడే సీపీఎంను ఆదరించి తనను గెలిపించాలని కోరారు.

ఈ సందర్భంగా కేశవరావు మాట్లాడుతూ ప్రజాస్వామ్య విలువలకు విరుద్ధంగా వ్యవహరిస్తున్న కూటమి పార్టీలకు ప్రజలు తమ ఓటుతో తగిన సమాధానం చెప్పాలని పిలుపునిచ్చారు. ప్రజల హక్కుల పరిరక్షణకు, దౌర్జన్యాలకు వ్యతిరేకంగా పోరాడే సీపీఎంకు మద్దతు ఇవ్వాలని విజ్ఞప్తి చేశారు.

29వ వార్డులో నెలకొన్న తాగునీరు, వాడుక నీటి సమస్యల పరిష్కారంతో పాటు, మౌలిక వసతుల అభివృద్ధికి ప్రాధాన్యత ఇస్తానని హామీ ఇచ్చారు. ప్రజలకు అందుబాటులో ఉంటూ వార్డు సమస్యల పరిష్కారం కోసం నిరంతరం కృషి చేస్తానన్నారు. ప్రజా సంక్షేమం, వార్డు అభివృద్ధిని కాంక్షించే తనను ఆదరించి గెలిపించాలని ఓటర్లను అభ్యర్థించారు.

ఈ ప్రచార కార్యక్రమంలో సీపీఎం నాయకులు పి. నరేంద్ర, ప్రసంగి, నాగరాజు, బసవయ్య, సురేష్, చంటి, శ్రీను, వెంకటమ్మ, శాంతకుమారి, ఆదిలక్ష్మి, రత్తమ్మ, రుఫియా, రమణమ్మ, మల్లేశ్వరి, లాల్బీ, ఎలిషమ్మ తదితరులు పాల్గొన్నారు.