Pullalacheruvu: పుల్లలచెరువులో మద్యం మత్తులో బైక్ నడుపుతూ వ్యక్తి మృతి

పుల్లలచెరువు: మద్యం మత్తులో ద్విచక్ర వాహనం నడుపుతూ ప్రమాదానికి గురైన ఓ వ్యక్తి మృతి చెందిన ఘటన పుల్లలచెరువులో చోటుచేసుకుంది. స్థానికుల వివరాల ప్రకారం, రెమిడిచర్ల గ్రామానికి చెందిన వెంకటేశ్వర రెడ్డి ఉమ్మడివరం గ్రామంలో వివాహం చేసుకున్నట్లు తెలియజేశారు.

మద్యం మత్తులో ఆయన ప్రయాణిస్తున్న ద్విచక్ర వాహనం అదుపుతప్పి ప్రమాదానికి గురైంది. ఈ ప్రమాదంలో తీవ్రంగా గాయపడిన వెంకటేశ్వర రెడ్డి అక్కడికక్కడే మృతి చెందినట్లు సమాచారం. సమాచారం అందుకున్న పోలీసులు ఘటన స్థలానికి చేరుకుని పరిశీలించారు. అనంతరం మృతదేహాన్ని పోస్టుమార్టం నిమిత్తం ఆసుపత్రికి తరలించి కేసు నమోదు చేసి దర్యాప్తు చేపట్టారు.