Markapuram: దోర్నాల నూతన ఎంపీపీగా భూమని నాగమ్మ ప్రమాణ స్వీకారం!

Markapuram: మార్కాపురం జిల్లా పెద్ద దోర్నాల మండల నూతన ఎంపీపీగా భూమని నాగమ్మ గురువారం మండల పరిషత్ కార్యాలయంలో ప్రమాణ స్వీకారం చేశారు.

Srikanth Singam, Markapur
Published on: 19 Nov 2026 1:39 PM IST
Markapuram
X

Markapuram: దోర్నాల నూతన ఎంపీపీగా భూమని నాగమ్మ ప్రమాణ స్వీకారం!

మార్కాపురం: మార్కాపురం జిల్లా పెద్ద దోర్నాల మండలంలో ఇటీవల జరిగిన స్థానిక సంస్థల ఎన్నికల్లో గెలుపొందిన ప్రజాప్రతినిధుల ప్రమాణ స్వీకార కార్యక్రమం స్థానిక మండల పరిషత్ కార్యాలయంలో నిర్వహించారు. ఎన్నికల రిటర్నింగ్ అధికారి వేణుగోపాలరావు, ఎంపీడీవో విజయ ఆధ్వర్యంలో ఈ కార్యక్రమం జరిగింది.

ఈ సందర్భంగా దోర్నాల మండల నూతన ఎంపీపీగా ఎన్నికైన భూమని నాగమ్మతో ఎన్నికల రిటర్నింగ్ అధికారి వేణుగోపాలరావు ప్రమాణ స్వీకారం చేయించారు. అనంతరం మండలంలోని 13 మంది ఎంపీటీసీలకు గాను 12 మంది ప్రమాణ స్వీకార కార్యక్రమానికి హాజరయ్యారు.

ఈ సందర్భంగా నూతన ఎంపీపీ భూమని నాగమ్మ మాట్లాడుతూ ప్రజలకు ఎల్లప్పుడూ అందుబాటులో ఉంటూ, వారి సమస్యలపై నిరంతరం అవగాహన కలిగి ఉంటానని తెలిపారు. ప్రజల అవసరాలకు ప్రాధాన్యతనిస్తూ, అందరి సహకారంతో మండల అభివృద్ధికి తన వంతు కృషి చేస్తానని పేర్కొన్నారు.

Srikanth Singam, Markapur

Srikanth Singam, Markapur