Podili: పొదిలి వ్యాయామ ఉపాధ్యాయురాలికి ‘విద్యారత్న’ పురస్కారం!
Podili: పొదిలి పీఈటీ డోరతీ షకీలాకు ప్రతిష్టాత్మక ‘విద్యారత్న’ పురస్కారం: కూచిపూడి నాట్య ప్రోత్సాహానికి గుర్తింపుగా డీఈవో సామా సుబ్బారావు చేతుల మీదుగా ఘన సత్కారం.
Podili: పొదిలి వ్యాయామ ఉపాధ్యాయురాలికి ‘విద్యారత్న’ పురస్కారం!
పొదిలి: క్రీడలతో పాటు కళారంగంలో విశేష సేవలు అందిస్తున్న పొదిలి జెడ్పీ హైస్కూల్ వ్యాయామ ఉపాధ్యాయురాలు డోరతీ షకీలాను ‘విద్యారత్న’ పురస్కారం వరించింది. ప్రకాశం జిల్లా ఒంగోలులోని శ్రీ ప్రసన్న చెన్నకేశవ స్వామి దేవాలయ ప్రాంగణంలోని మినీ ఫంక్షన్ హాల్లో ఎంవీఆర్ కల్చరల్ అకాడమీ హైదరాబాద్ ఆధ్వర్యంలో నిర్వహించిన కూచిపూడి నాట్య సమ్మేళనంలో ఈ పురస్కారాన్ని అందజేశారు.
పొదిలి జెడ్పీ హైస్కూల్కు చెందిన చిన్నారి పల్లవిని కూచిపూడి నాట్యంలో ప్రోత్సహిస్తూ, శిక్షణనిచ్చి నాట్య ప్రదర్శనల్లో రాణించేలా డోరతీ షకీలా తీర్చిదిద్దారు. కూచిపూడి నాట్యంపై విద్యార్థుల్లో ఆసక్తిని పెంపొందించడంతో పాటు కళారంగానికి ఆమె అందిస్తున్న సేవలను గుర్తించిన అకాడమీ నిర్వాహకులు ఆమెను ‘విద్యారత్న’ పురస్కారంతో సత్కరించారు.
జిల్లా విద్యాశాఖాధికారి సామా సుబ్బారావు చేతుల మీదుగా డోరతీ షకీలాకు పురస్కారం, ప్రశంసాపత్రం అందజేసి శాలువాతో ఘనంగా సన్మానించారు. ఈ సందర్భంగా కూచిపూడి నృత్య ప్రదర్శనలు చేసిన చిన్నారులను కూడా నిర్వాహకులు ఘనంగా సత్కరించారు. కార్యక్రమంలో ఎంవీఆర్ కల్చరల్ అకాడమీ వ్యవస్థాపకులు బుచ్చేశ్వరరావు, సిద్ధాంబి తదితరులు పాల్గొన్నారు. డోరతీ షకీలాకు ‘విద్యారత్న’ పురస్కారం లభించడంపై పలువురు అభినందనలు తెలిపారు.
