Markapuram: మార్కాపురంలో ముగ్గురు స్పందన టీచర్లకు ఘన సత్కారం!

మార్కాపురం: మార్కాపురం జిల్లా కేంద్రంలోని బి-కన్వెన్షన్ హాల్‌లో APPUSMA మార్కాపురం జిల్లా యూనిట్ ఆధ్వర్యంలో నిర్వహించిన District Best Teachers Awards – 2026 కార్యక్రమంలో స్పందన విద్యాసంస్థలకు చెందిన ముగ్గురు ఉపాధ్యాయులు జిల్లా ఉత్తమ ఉపాధ్యాయ అవార్డులకు ఎంపికై ఘనంగా సత్కారం అందుకున్నారు.

విద్యార్థుల విద్యాభివృద్ధికి అంకితభావంతో పనిచేస్తూ, వినూత్నమైన మరియు ఉత్తమ బోధనా పద్ధతులను అవలంబిస్తూ, విద్యార్థుల్లోని ప్రతిభను వెలికితీసి వారిని ఉన్నత లక్ష్యాల వైపు నడిపించడంలో విశేష కృషి చేస్తున్న స్పందన విద్యాసంస్థల ఉపాధ్యాయులు టి. అరుణ, యన్. రత్నకుమారి, పి. వెంకటేశ్వర్లు ఈ ప్రతిష్టాత్మక అవార్డులకు ఎంపికయ్యారు.

కార్యక్రమంలో ముఖ్య అతిథులు, APPUSMA రాష్ట్ర మరియు జిల్లా ప్రతినిధుల చేతుల మీదుగా అవార్డు గ్రహీతలకు ప్రశంసాపత్రం, మెమెంటో మరియు శాలువాలతో ఘనంగా సత్కారం నిర్వహించారు.

ఈ సందర్భంగా స్పందన విద్యాసంస్థల యాజమాన్యం మాట్లాడుతూ, ఉపాధ్యాయుల కృషి, అంకితభావం, క్రమశిక్షణ మరియు నిరంతర శ్రమకు లభించిన ఈ గుర్తింపు సంస్థకు ఎంతో గర్వకారణమని పేర్కొన్నారు. ఇటువంటి పురస్కారాలు ఉపాధ్యాయుల్లో మరింత బాధ్యతను పెంచడంతో పాటు, విద్యార్థుల భవిష్యత్తు కోసం మరింత నిబద్ధతతో పనిచేయడానికి స్ఫూర్తినిస్తాయని తెలిపారు.

అవార్డులు అందుకున్న ఉపాధ్యాయులను స్పందన విద్యాసంస్థల యాజమాన్యం, సహచర ఉపాధ్యాయులు, విద్యార్థులు మరియు తల్లిదండ్రులు అభినందించారు.

విద్యార్థుల సమగ్ర అభివృద్ధికి నిరంతరం కృషి చేస్తున్న స్పందన విద్యాసంస్థల ఉపాధ్యాయులకు జిల్లా స్థాయిలో వరుసగా లభిస్తున్న ఈ గుర్తింపులు సంస్థ విద్యా ప్రమాణాలకు మరోసారి నిదర్శనంగా నిలిచాయని విద్యాభిమానులు హర్షం వ్యక్తం చేశారు.