Health: డైలీ పల్లీలు కానీ తిన్నారంటే..శరీరంలో జరిగే మార్పులు ఇవే!
Health Tips: రోజూ పల్లీలు తీసుకోవడం వల్ల ప్రోటీన్, మంచి కొవ్వులు, మెదడు ఆరోగ్యం, బరువు నియంత్రణకు ఉపయోగపడే మార్పులు కనిపిస్తాయి.
Health benefits of eating peanuts
చాలామంది పల్లీలను కేవలం కాలక్షేపం కోసం తినే చిరుతిండిగా భావిస్తారు. కానీ ఆరోగ్య నిపుణుల అభిప్రాయం ప్రకారం.. పల్లీలు పోషకాల గని. వీటిని పేదల జీడిపప్పు అని పిలిచినప్పటికీ, వీటిలో ఉండే పోషక విలువలు అత్యంత ఖరీదైన డ్రై ఫ్రూట్స్ కంటే తక్కువ ఏమీ కావు.
సాధారణంగా ప్రోటీన్ కోసం చాలామంది మాంసాహారంపై ఆధారపడుతుంటారు. అయితే 100 గ్రాముల వేయించిన వేరుశెనగలలో దాదాపు 25 నుండి 28 గ్రాముల వరకు ప్రోటీన్ ఉంటుంది. ఇది దాదాపు కోడి మాంసంలో ఉండే ప్రోటీన్ స్థాయికి సమానం.
వేరుశెనగలలో మోనోఅన్శాచురేటెడ్, పాలీఅన్శాచురేటెడ్ వంటి ఆరోగ్యకరమైన కొవ్వులు 49 గ్రాముల వరకు ఉంటాయి. ఇవి రక్తంలో పేరుకుపోయిన చెడు కొలెస్ట్రాల్ను కరిగించి, మంచి కొలెస్ట్రాల్ శాతాన్ని పెంచుతాయి. దీనివల్ల గుండె ధమనులలో అడ్డంకులు ఏర్పడవు.
వయసు పెరిగే కొద్దీ చాలామందిలో జ్ఞాపకశక్తి తగ్గుతుంటుంది. వేరుశెనగలలో పుష్కలంగా ఉండే నియాసిన్ మెదడు కణాల పనితీరును మెరుగుపరుస్తుంది. ఇది అల్జీమర్స్ వంటి మెదడు సంబంధిత వ్యాధుల ప్రమాదాన్ని తగ్గించడంలో సహాయపడుతుంది.
బరువు తగ్గాలని ప్రయత్నించే వారికి వేరుశెనగలు గొప్ప ఆహారం. వీటిలో ఉండే అధిక పీచుపదార్థం, ప్రోటీన్ కడుపు నిండుగా ఉండేలా చేస్తాయి.
శరీరంలో రోగనిరోధక శక్తిని పెంచడమే కాకుండా చర్మం యవ్వనంగా ఉండటానికి, జుట్టు ఆరోగ్యంగా పెరగడానికి సహాయపడతాయి.
Ramya Thota
రమ్య జర్నలిజం రంగంలో దశాబ్దానికి పైగా అనుభవం కలిగిన కంటెంట్ రైటర్, సబ్ ఎడిటర్. రాజకీయాలు, ప్రాంతీయ, జాతీయ, అంతర్జాతీయ, లైఫ్ స్టైల్, క్రైమ్ వంటి విభిన్న అంశాల్లో లోతైన అవగాహనతో స్పష్టమైన, పాఠకులకు సులభంగా అర్థమయ్యే శైలిలో వార్తలను అందిస్తున్నారు. ప్రముఖ మీడియా సంస్థల్లో పనిచేసి విలువైన అనుభవాన్ని సంపాదించారు.